2021/07/26
USD 2,811

Өнөөдөр шинээр сонгогдсон Ерөнхийлөгч тангараг өргөнө

Н.Мичидмаа
2021/06/25

Монгол Улсын Ерөнхийлөгчийн тухай хуулийн 5 дугаар зүйлд “Шинэ сонгогдсон Ерөнхийлөгч нь Улсын Их Хурал Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрсөн хууль гаргаснаас хойш З0 хоногийн дотор Улсын Их Хуралд Үндсэн хуулиар тогтоосон тангараг өргөнө. Ерөнхийлөгч тангараг өргөх өдрийг Улсын Их Хурал товлон тогтооно” гэж заасан. Хуулийн энэхүү зохицуулалтын дагуу шинэ сонгогдсон Ерөнхийлөгч Ухнаагийн Хүрэлсүхийн Монгол Улсын Ерөнхийлөгчийн тангараг өргөх өдөр, цагийг  2021 оны зургаадугаар сарын 25-ны өдрийн 11 цаг 40 минутад байхаар тогтоож, Улсын Их Хурал тогтоол баталсан билээ.

Мөн Монгол Улсын Ерөнхийлөгчийн тухай хуульд “Ерөнхийлөгчийн тангараг өргөх ёслолын журмыг Улсын Их Хурал тогтооно” гэж заасан. Энэ дагуу Улсын Их Хурлын даргын 2021 оны зургаадугаар сарын 10-ны өдрийн захирамжаар Ерөнхийлөгчийн тангараг өргөх ёслолын бэлтгэлийг хангах, зохион байгуулах үүрэг бүхий Ажлын хэсгийг байгуулсан. Ажлын хэсэг өнгөрсөн хугацаанд хоёр удаа хуралдаж, Монгол Улсын Ерөнхийлөгчийн тангараг өргөх ёслолын журам батлах тухай Улсын Их Хурлын 1993 оны 40 дүгээр тогтоолд нэмэлт, өөрчлөлт оруулах асуудлыг хэлэлцсэн.

Уг журамд Монгол Улсын Ерөнхийлөгчийн тангараг өргөх ёслолд зориулан Д.Сүхбаатарын талбайд Төрийн далбаа мандуулсан байхаар, Ерөнхийлөгчийн тангараг өргөх ёслолыг Төрийн ордны “Их Монгол” танхимд зохион байгуулахаар зохих бэлтгэлийг хангасан байхаар тусгажээ. Журамд шинэ сонгогдсон Ерөнхийлөгч гэргий /нөхөр/-ийн хамт Их эзэн Чингис хааны хөшөөнд мэхийн ёслоод Төрийн ёслол хүндэтгэлийн “Өргөө” цогцолборын баруун хаалгаар Төрийн ордны "Их Монгол" танхимд морилно. Үүний дараа Улсын Их Хурлын дарга Улсын Их Хурлын гишүүдийн ирцийг мэдэгдэж Улсын Их Хурлын чуулганы нэгдсэн хуралдааны ажиллагааг нээж “Монгол Улсын Ерөнхийлөгч Монгол Улсын Их Хуралд тангараг өргөнө” хэмээн зарлан мэдэгдэхээр заасан байна.

Тангараг өргөсөн Ерөнхийлөгч Улсын Их Хурал болон ард түмэндээ хандаж индэрт үг хэлнэ. Ерөнхийлөгч үг хэлж дуусмагц Улсын Их Хурлын дарга Монгол Улсын Ерөнхийлөгчийн тангараг өргөх ёслолын ажиллагаа өндөрлөснийг мэдэгдэхээр заажээ. Мөн Ерөнхийлөгчийн тангараг өргөх ёслолд зориулсан цэргийн ёслолын жагсаалыг Сүхбаатарын талбайд явуулахаар тусгагдаад байсан ч цуцалсан юм. Түүнчлэн Ерөнхийлөгчийн Тамгын газрын дарга Төрийн тамгыг, Улсын Их Хурлын Ерөнхий нарийн бичгийн дарга Монгол Улсын Үндсэн хуулийн уг эхийг Төрийн хүндэт харуулын хамгаалалт дор байранд нь буцаан зарлахаар журмын төсөлд тусгасан байна.


Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.17.119
Buzar huzuugui nobsh garsan bol ingeh l baisan bizdee. Ard hunii huuhed tord garch bolihgui um uu . harin ch eh oronoo geh eronhiilogchtei bolj bna
Хариулах
66.181.161.31
Хэн байсан нь биш хэн байх нь чухал л даа.
Хариулах
203.91.115.43
Ymar ch bolovsrolgui ajil hiij uzeegui zuwhun nam dagaj guisen hun ingeheer mongold hugjil yariad oiriin 50 jildee hudlaa
Хариулах
66.181.185.248
Үзэн ядалт сайн юм биш л дээ
Хариулах
202.126.88.232
Ene hylgaichiig ogtsryylaach jiriin irgediin bolomjiig hylgailsan yaadag novsh veBid iim l ylaan shoyching songochihood huurtsugluud syyj bna sh de Hurelsuh chamaig ard tumen gesgeeh mudhun irnee nocshoo
Хариулах
192.82.77.162
У.Хүрэлсүх гэж энэ хүнийг үзэн ядаж байна Манай гэр бүлийн гишүүд 2021 оны 05-р сарын 27-нд Интермед эмнэлэгт хийлгэх байсан Спутникийн 2 дахь тунг Хүрэлсүхийн сонгуулийн шоунд хэрэглэж өрхийн эмн-ээр үнэгүй тарьсан. 2 тунгын мөнгөө төлчихсөн бид У.Хүрэлсүхийн сонгуулийн шоунд вакцинаа дээрэмдүүлж 1 тунтай явсаар настай ээж маань ,эгч дүү, бага насны хүүхэд хүртэл хөлдвөр авч өвдөж байна. ЯАХААРАА ЖИРИЙН ИРГЭД ӨӨРСДЙИН ЭРҮҮЛ МЭНДЭЭ ХАМГААЛАХ ГЭСЭН ЭРМЭЛЗЭЛ СЭТГЭЛИЙГ ДЭЭРЭМДЭЖ СОНГУУЛЬДАА ХЭРЭГЛЭВ ЭЭ ?? ТА ЯАСАН МУУХАЙ ХҮН БЭ ??
Хариулах