МАН-ын Удирдах зөвлөл өнөөдөр /2021.06.24/ хуралдаж, намын даргад Ерөнхий сайд Л.Оюун-Эрдэнийг томилох саналд Удирдах зөвлөлийн гишүүд санал нэгдсэн байна. МАН-ын Бага хурал 08.00 цагаас эхлэн хуралдаж, шинэ намын даргаа томиллоо.
МАН-ын дүрмийн 20.3.7-д намын Их хурлын чөлөөт цагт намын дарга орон гарвал Бага хуралд оролцсон гишүүдийн гуравны хоёрын саналаар шинэ даргыг сонгоно гэж заасан.
МАН-ын дарга У.Хүрэлсүх Монгол Улсын зургаа дахь Ерөнхийлөгчөөр сонгогдсон тул намын даргын албан тушаалаа өгч байна. Энэ үеэрээ Ерөнхий сайд, МАН-ын шинэ дарга Л.Оюун-Эрдэнэд хандан "Ард түмний төлөөх ардчилсан нам байлгаарай" гэж онцлон хэлэв.
Харин Ерөнхий сайд, МАН-ын даргаар сонгогдож буй Л.Оюун-Эрдэнэ "Хүний төлөө,тусгаар тогтнолын төлөөх түүхэн уламжлалыг үргэлжлүүлнэ" гэв.
Сэтгэгдэл (0)
Сэтгэгдэл бичигдээгүй байна