2021/09/19
USD 2,811

Л.Оюун-Эрдэнэ: Англи хэлийг албан ёсны хоёрдагч хэл болгоно

Н.Мичидмаа
2021/09/01

Монгол Улсын Ерөнхий сайд Л.Оюун-Эрдэнэ 2021-2022 оны хичээлийн шинэ жилийн мэндчилгээ дэвшүүллээ.

Эрхэм сурагч, оюутнуудаа

Эрдэмтэн багш, сурган хүмүүжүүлэгчид ээ

Хүндэт эцэг эхчүүд ээ!

Та бүхэндээ хичээлийн шинэ жилийн мэнд дэвшүүлье!

Ердийн үед есөн сарын нэгэн зөвхөн баяр байдаг байсан. Харин өнөөдөр цар тахлаас улбаалж, та бидэнд томоохон сорилт, хамтын хариуцлагыг авчирч байна. 

Өнөөдөр цар тахлаас шалтгаалж, дэлхийн 13 улс орны 112 сая хүүхэд хичээлээ танхимаар эхлүүлж чадаагүй харамсалтай мэдээлэл байна. Энэ бол хэзээ ч үл нөхөгдөх хохирол юм. 2021 оны гуравдугаар сарын 21-нд болсон ЮНЕСКО-гийн сайд нарын уулзалтаар энэ үзэгдлийг “Нэгэн үеийн сүйрэл” хэмээн тодорхойлсон байна.

Хүн амын бүрэн вакцинжуулалт 64.2 хувьд, 12-17 насны хүүхдийн вакцинжуулалт 75 хувьд хүрч, багш сурган хүмүүжүүлэгчид 3 дахь тунд хамрагдсанаар бид хичээлийн шинэ жилээ танхимаар эхлүүлэх боломж бүрдлээ.

Хүн төрөлхтөн цар тахлыг даван туулах үед энэ цаг өөрөө түүхэн цаг болон хувирна. Цар тахлын нэн хүнд үед сурч боловсрох эрхэм үүргээ хичээнгүйлэн биелүүлж буй оюутан сурагчид, багш сурган хүмүүжүүлэгчид, боловсрол, эрүүл мэндийн салбарынхан та бүхэн бол энэ цаг үеийн баатрууд билээ.

Өнгөрсөн хугацаанд боловсролын салбарын үйл ажиллагааг тасралтгүй, хэвийн үргэлжлүүлэх ачааны хүндийг үүрсэн нийт багш нартаа болон цахим сургалтыг дамжуулах боломж бүрдүүлсэн хэвлэл мэдээллийн салбарынханд, идэвх зүтгэлээ дайчлан суралцсан нийт оюутан сурагчиддаа Ерөнхий сайдын хувьд Засгийн газрын өмнөөс гүн талархал илэрхийлье!

Засгийн газраас боловсролын шинэчлэлийн багц хуулийг Улсын Их Хуралд өргөн бариад байна. Энэ хууль батлагдсанаар ерөнхий боловсролын тогтолцоонд олон улсын үнэлгээг нэвтрүүлж, Монгол хүүхэд бүр суурь боловсролын 12 жилийн хөтөлбөрт бүрэн хамрагдах тогтолцоонд үе шаттай шилжих замаар хот хөдөөгийн боловсролын тэгш бус байдлыг арилгаж,  Их дээд сургуулийг нэгдсэн стандартад оруулж өрсөлдөх чадварыг дээшлүүлнэ. Монгол хэл бичгийн төгс хэрэглээг эзэмшүүлэх, англи хэлийг албан ёсны хоёрдагч хэл болгож дэлхийн иргэд бэлтгэх, багшийн ур чадвар, гүйцэтгэлд суурилсан санхүүгийн урамшууллын тогтолцоог нэвтрүүлэх, цахим шилжилтийг эрчимжүүлэх зэрэг томоохон зорилтуудыг дэвшүүлээд байна. Мөн энэ хичээлийн жилээс 5 настай хүүхдүүдийг сургуулийн өмнөх боловсролд хамруулж, Үдийн цайг-Үдийн хоол болгож, гурван ээлжийн хичээлийг хоёр ээлжинд бүрэн шилжүүлж дууслаа. 

Эрхэм сурагч, оюутнууд аа,

Хүндэт эрдэмтэн багш, эцэг эхчүүд ээ.

Цар тахал хүн төрөлхтөнд тодорхойгүй ирээдүйг бий болгож байна. Цаашид цар тахал хэдий удаан хугацаанд үргэлжилж, хэдэн удаа хувьсан өөрчлөгдөхийг хэн ч таамаглаж чадахгүй байна.

Тиймээс бид эрсдлийг сөрж, халдвар хамгааллын дэглэмээ баримталж, хариуцлагатай хандаж, энгийн амьдралын хэмнэлдээ алхам алхамаар дасан зохицох сорилттой нүүр тулж байна.

Монгол улсын Засгийн газраас дэвшүүлсэн эрүүл мэндээ хамгаалж, эдийн засгаа сэргээх 10 их наядын хөтөлбөр амжилттай хэрэгжиж, цар тахлаас улбаалсан 5.3% уналттай эдийн засгийг 6.3% ийн өсөлтөнд хүргэж, болзошгүй эрсдлээс 246 гаруй мянган ажлын байрыг хамгаалж чадлаа.

Өнөөдрийн Засгийн газрын хуралдаанаар Цар тахлын үеийн эдийн засгийг эрчимжүүлэх Дахин Сэргэлтийн бодлогыг баталж, төр, хувийн хэвшил, хөрөнгө оруулагчдын түншлэлийг шинэ түвшинд гаргах багц хуулийн төслийг Үндэсний аюулгүй байдлын зөвлөлөөр хэлэлцүүлж, Монгол Улсын Их Хуралд өргөн барихаар шийдвэрлэснийг дуулгахад таатай байна.

9 сарын 1

Монголчууд бидний хувьд зөвхөн хичээлийн шинэ жил төдийгүй, намрын нөр ажлын хөдөлгөөнт эхлэл байдаг билээ. Цар тахлын өнөөдрийн сэтгэлзүйд авталгүй, нийгмийн хөгжил, эдийн засгийн өрсөлдөх чадвар, амьдралын чанарын үзүүлэлтүүдийг өсгөх томоохон зорилтуудаа хүрэхийн төлөө Хамтдаа хичээцгээе!




Сэтгэгдэл (21)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.80.6
Өдөр бүр худлаа ярьж байх юм, 400 сая жуулчнаас эхлэлтэй худлаа шаалт явж өглөө шүү, тоймтойглос нь хэлбэл хотын цэвэр усны төмөр хоолойг зэс хоолойгоор солино, гандангийн дээжийг 14 хоногт аялал жуулчлалын төв болгоно, вакцинаар дэлхийд тэргүүлнэ, замын үүдийн чөлөөт бүс ажиллаж эхлэв, ковидгүй зун, охидыг цэрэгт татна хамгийн лргил нь 400 сая жуулчин
Хариулах
2a02:2788:3f5:e304:a026:e1e1:8e87:a164
Covidoos bolj 2 jileer xotsorson xotsrogdoloo barij gyitsexee yari, delxiig oorchlox zevseg bol bolovsrol!!!
Хариулах
192.82.88.151
Англи хэлийг заах гэж байгаа бол Английн хуулийг нь эхлээд мөрдвөл та нараас нэг нь ч үлдэхгүй бүгд шоронд явна. Сингапур англи хэлийг нутагшуулахад англичууд эхлээд манай хуулийг мөрд гэж хэлсэн байдаг. Тиймдээ ч авилгагүй улс одоо хөгжилөөрөө дэлхийд тэргүүлж байна.
Хариулах
202.126.94.99
Албан есны хэл бол терийн бух уйл ажиллагаа англиар давхар явна, еронхийлогч нь уйгаржин бичиг гэсэн хэдэн шинжлэх ухаагы дээрэмчидтэй уулзаад, оюуны хомсдол дээд цэгт хурлээ!!!
Хариулах
202.9.46.49
Yu ni tsar tahal corona yriad bgan be soliorson ymu ta nar chin Tenegdej zalhahgui bna uu gutamshig
Хариулах
192.82.76.90
Хуцоо
Хариулах
192.82.80.56
Эхлээд Монгол хэлээ бүрэн сурах хэрэгтэй!
Хариулах
122.201.31.240
Тэнгэр бурхан минь түмэн олныг минь аварч өршөө. Бүгд эрүүл энх байгаасай. Бурхан өршөө.
Хариулах
66.181.188.176
Оюунэрдэнэ ерөнхий сайд мундаг сайн ажиллаж байгаа цаг хугацаа хэрэгтэй
Хариулах
59.153.115.128
Зөв. Монгол бичиг гэж ухарч байхаар...
Хариулах
202.126.88.233
Delhiid bhgui corona nii usult garaad bhad ch show gaa hiiseer bhiimaa mnanai ene heden mangaruud
Хариулах
202.9.46.62
Коронавирус үндэстэн бүрд онцлогтой өөр өөр шинж хувиралтай мутацлагддаг, вакцинууд үндэстэн бүрд өөр үйлчилдэг гэдгийг эрдэмтэд нотоллоо. Монголчуудад Спутник л таарна.
Хариулах
202.126.89.14
Болноо болно. Амжилт!
Хариулах
202.9.46.49
Teneguudiin dund unen ym bhku bugd hudlaa jujig
Хариулах
202.9.46.49
Coronagaar ulstur hiiged huurch togloj ogch bnaa
Хариулах
66.181.191.247
yu l bolood baina daa ene hun ajlaa hiij medehgui l ba
Хариулах
202.126.88.223
Demjij bn
Хариулах
64.119.16.170
ШҮДЭЭ ХҮРТЭЛ ЗЭВСЭГЛЭСЭН ДАЙСНЫ ЭСРЭГ ЗЭВСЭГГҮЙ ХОЁР ГУРВАН ВИНТОВ ЗҮҮЛГЭЭД ҮХЭЛ РҮҮ НЬ УРАН ҮГЭЭР ЗОРИГЖУУЛЖ БУЙ ЦЭРГИЙН ДАРГА ШИГ ЮМ ХЭЛЭХ ЮМ. ТӨРИЙН ТЭРГҮҮН АРД ТҮМНЭЭ ЭРСДЛЭЭС ХАМГААЛАХ ҮҮРЭГТЭЙ БОЛОХООС БААТАРЛАГААР ХОХИР ГЭЖ ХЭЛЭХ ЭРХ БАЙХГҮЙ БИЗДЭЭ. ХЭНИЙ ТӨЛӨӨ ӨВДӨЖ ҮХЭХ БОЛЖ БАЙНА? ЮУНЫ ТӨЛӨӨ ХОХИРОХ БОЛЖ БАЙНА? ТЭРИЙГ НЬ ХЭЛЭЭД ӨГӨӨЧ. АЛТАН АМИАС ИЛҮҮ ҮНЭ ЦЭНТЭЙ ЗҮЙЛ БИЙ ГЭЖ ҮҮ?
Хариулах
202.9.40.26
Энэ новш зайлаач ерөнхий сайд хүн дасан зохицоод амидарья гэж хэлж болхуу харинч яамар нэгэн арга хэмжээ авах талаар худалаа үнэн яариж байх ёстой байтал яана да энэ улс
Хариулах
203.91.118.254
чи юу хийв
Хариулах
203.91.118.254
зайл
Хариулах