Монголын боксын холбооны бага хурал энэ сарын 05-нд болж УИХ-ын гишүүн, Хууль зүй, дотоодын хэргийн сайд Х.Нямбаатарыг холбооныхоо Ерөнхийлөгчөөр сонгосон билээ.
Тус холбооны Дэд ерөнхийлөгчөөр Ц.Бат-Энх, Э.Бадар-Ууган, П.Сэрдамба, В.Ганзориг, М.Баянмөнх нарыг сонгожээ.
Ц.Бат-Энх нь 2020 онд МАН-ын Нарийн бичгийн даргаар ажиллаж байхдаа "тусгаарлалтын дэглэм эсэргүүцсэн" гэх асуудлаас болж үүрэгт ажлаасаа чөлөөлөгдөж байсан.
Тодруулбал, 2020 оны хоёрдугаар сард Улсын онцгой комисоос “Сөүл-Улаанбаатар” чиглэлийн нислэгийг хязгаарласантай холбоотойгоор тэрбээр Японоор дамжиж Чингис хаан ОУНБ-д буужээ. Түүнийг буумагц УОК-оос эрсдэлтэй гэж үзэн тусгаарлах гэтэл албаныханы шаардлага хүлээж авалгүй эсэргүүцэж байсан талаар бид мэдээлж байсан. Тухайн үед "тусгаарлагдахгүй" хэмээн уурласан Ц.Бат-Энхийг УОК-оос албадан саатуулж Жаргалантын аманд байрлах Онцгой байдлын газрын тусгаарлах байранд хүргэж байсан юм.
Тухайн үед МАН-ын даргаар ажиллаж байсан У.Хүрэлсүх "тусгаарлагдахгүй" хэмээн уурласан асуудалтай нь холбогдуулан МАН-ын нарийн бичгийн даргаар ажиллаж байсан Ц.Бат-Энхийг ажлаас нь чөлөөлөхийг намынхаа ЕНБД Д.Амарбаясгаланд үүрэгдэж байсан.
Саяхан Ц.Бат-Энх нь "Эрдэнэт" үйлдвэрийн Нийгмийн асуудал хариуцсан орлогч захирлаар томилогдоод байгаа билээ.
15°C
Сэтгэгдэл (15)