Коронавирусийн халдварын тархалт өндөр хэвээр байгаагаас гадна дельта хувилбарын шинэ давалгаа үүсэж халдварын нөхцөл байдал хүнд байгаа. Тэгвэл баар, шөнийн цэнгээний газар, караоке зэрэг хүн олноор цуглардаг үйлчилгээний байгууллага халдвар хамгааллын дэглэм мөрдөхгүй байгаа зэргээс үүдэлтэй голомтот халдвар ихээр гарч байгаа гэдгийг мэргэжлийн байгууллагууд хэлж буй. Тиймээс ЭМЯ болон ХӨСҮТ-өөс караоке, баарны үйл ажиллагааг 22.00 цагаас хойш хязгаарлах санал гаргаж УОК-т хүргүүлсэн.
Уг саналд Засгийн газар ямар байр суурьтай байгааг Ерөнхий сайд Л.Оюун-Эрдэнээс тодруулахад тэрбээр "Засгийн газар нээлттэй байх бодлого баримтална. Эрүүл мэндийн яамнаас оройн 22:00 цагаас хойш хаах санал гаргасан ч аж ахуйн нэгжүүд халдвар хамгааллын дэглэмээ баримталж, хариуцлагатай хандвал хорих шаардлагагүй" гэсэн юм.
Сэтгэгдэл (0)
Сэтгэгдэл бичигдээгүй байна