2021/12/08
USD 2,811

Засгийн газраас монгол хүний дэлхийн түвшинд өрсөлдөх чадварыг нэмэгдүүлэхэд анхаарна


МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ БАГШ НАРЫН БАЯРТ ЗОРИУЛЖ МЭНДЧИЛГЭЭ ДЭВШҮҮЛЛЭЭ.

Эрхэм хүндэт эрдэмтэн багш, сурган хүмүүжүүлэгчид ээ, Боловсролын салбарын үе үеийн нийт ажилтнууд аа, Багшийн эрдмээр мэдлэг оюунд тэмүүлж яваа сурагч, багачууд, оюутан залуус аа,

Монголын ирээдүй үеийг соён гэгээрүүлэх, сурган хүмүүжүүлэх хүндтэй үйлсэд зүтгэж байгаа Та бүхэндээ багш нарын баярын мэндийг дэвшүүлж, баяр хүргэе.

Энэ жилийн багш нарын баяр Монгол Улсад орчин цагийн боловсролын салбар үүсч хөгжсөний 100 жилийн түүхэн ойн жилтэй давхцан тохиож байна.

Нэгэн зууны түүхэн ойн жил Монгол Улсын боловсролын салбар өмнөх зууны түүхээ дүгнэж, ирэх зууны дэлхийн хөгжилд хөл нийлүүлэх цогц шинэчлэлийн зорилгоо тодорхойлоод байна.

Та бид дэлхийн хоёрдугаар дайнаас хойш хүн төрөлхтөнд учирсан хамгийн том сорилт болох цар тахалтай тулгараад хоёрдахь жилдээ ажиллаж, амьдарч байна. Цар тахлын нэн хүнд үед цахим сургалтаар боловсролын салбарын үйл ажиллагааг тасралтгүй үргэлжлүүлж, ачааны хүндийг үүрсэн нийт багш, сурган хүмүүжүүлэгчид Та бүхэн энэ цаг үеийн баатрууд билээ. Монгол Улсын 840 мянга гаруй суралцагч, оюутан, эцэг эхчүүд Та бүхнээр бахархаж, бас гүн талархаж байна.

Ковид-19-ын эсрэг вакцины бүрэн тунд Монгол Улсын нийт хүн амын 65.5 хувь хамрагдаж, 12-17 насны хүүхдийн вакцинжуулалт 80 хувьд хүрснээр танхимын сургалтыг эхлүүлэх боломжийг бүрдүүлж чадлаа.

Боловсрол бол бидний ирээдүй мөн. Монгол Улсын Засгийн газраас монгол хүний дэлхийн түвшинд өрсөлдөх чадварыг нэмэгдүүлэх, хүүхэд залуусыг суралцах тэгш боломжоор хангах, чанартай боловсролыг идэвхжүүлэх зорилгоор боловсролын салбарын эрх зүйн цогц шинэчлэлийн багц хуулийг Улсын Их Хуралд өргөн барьж, хэлэлцүүлж эхлээд байна.

Боловсролын цогц шинэчлэл хэрэгжсэнээр цахим боловсрол болон үр дүнд суурилсан үнэлэмжийн тогтолцоог бий болгож, багш суралцагчдын ажиллах, суралцах орчныг сайжруулан, их, дээд сургуулийг нэгдсэн стандартад оруулж, өрсөлдөх чадварыг нэмэгдүүлэхэд томоохон дэвшил гарах болно.

Мөн өнөөдөр Монголын оюутны өдөр тохиож байна. Их, дээд сургууль, коллежид суралцаж буй 150 мянга гаруй оюутан залуучууд Та бүхэндээ оюутны өдрийн мэндийг дэвшүүлье.

Монголчууд эртнээс “Эрдэм ном эрхэм баян” хэмээн эрдэм мэдлэгийг дээдэлж ирсэн уламжлалтай. Бүргэд өндөрт нисэхдээ илүү алсыг хардаг гэдэг. Шинэ Монголын залуу үе Та бүхэн сонгосон мэргэжилдээ хичээнгүйлэн суралцаж, хүсэл тэмүүллийнхээ эзэн болж, хязгааргүй өндөрт дүүлэн нисээрэй.   Эрдэмт багш нарын мятрашгүй зүтгэл, ирээдүй үеийн мэдлэг оюуны шавхагдашгүй хүчээр эх орон минь хөгжин мандах болтугай.

Монгол Улсын Ерөнхий сайд Лувсаннамсрайн Оюун-Эрдэнэ

Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.25
ТЭР ЯАХАВ ШАТАХУУНЫ АСУУДЛАА ШИЙД
Хариулах
103.242.45.45
ene hund heleh ug alga amidraltai ym hiigeech ee. Ehleed udur 10-20 hun uhej bna. naad ovchinoo daraa, ediin zasgaa sergee, ard tumenii amjirgaag saijruul, tsalin hulsuu nemeech nuden deer il bgaa asuudluuddaa shiid.
Хариулах
202.9.40.21
ene yrun ervvl ymuu uwchtei ym uu dandaa soliorch baihiin
Хариулах
202.9.40.48
hutsaach!! koronogoo taraaj huuliig ylandaa gishigchihed neg huuhn harad tolgoi n ergetsn batsan
Хариулах
103.212.117.91
Арай биш ээ
Хариулах
192.82.90.237
Пааахахаха тэрний оронд үнийн өсөлт тэтгэвэрийн зөрүү арилгах талаар ярь баньди минь. Өдрийн 10к ны хагасаар нь түлшээ авдаг айл 5кд яаж хүнсээ хүргэхэв
Хариулах
202.126.94.99
Боловсрол дампуурсаан, унэхээр харамсалтай!
Хариулах
202.9.46.194
Монголын маань залуучууд мань хүн шиг болволч эмгэнэлтэй л юм байна.
Хариулах
103.57.94.141
Өнөөдөр ковидийн өвчлөл,үхэл 2-оор л дэлхийд дээгүүр явнаа.Бусдаар гавиагүй дээ. Хийрхэл чинь дэндээд солиорол боллоо. Одоо болноо зайгаа тавь
Хариулах
202.9.40.60
Чи зайлаа махан толгойт оо
Хариулах