Улсын Их Хурлын гишүүн Х.Булгантуяа, Х.Ганхуяг, Д.Өнөрболор, П.Анужин нарын гишүүд 2021 оны зургадугаар сарын 21-ний өдөр өргөн мэдүүлсэн Хөрөнгө оруулалтын тухай хуульд өөрчлөлт оруулах тухай хуулийн төсөл болон хамт өргөн мэдүүлсэн Хуулийн этгээдийн улсын бүртгэлийн тухай хуульд өөрчлөлт оруулах тухай хуулийн төслийн хэлэлцэхийг нь УИХ-аас дэмжсэн.
Уг хуулийн төсөлд одоо үйлчилж байгаа хууль эрх зүйн тогтолцооны хүрээнд гадаадын хөрөнгө оруулалтын доод хэмжээг зохицуулсан шаардлага тусгагдсан байдаг. Гадаадын компани Монгол Улсад бизнес эхлэхийн тулд “Гадаадын хөрөнгө оруулалттай аж ахуйн нэгж” эсвэл “Төлөөлөгчийн газар” гэсэн статусын аль нэгийг сонгох хэрэгтэй болдог. Мөн гадаадын хөрөнгө оруулалттай аж ахуйн нэгжийн 25-аас доошгүй хувийг гадаадын компани эзэмшсэн байх ба 100 мянган ам.доллараас доошгүй хөрөнгө оруулалт хийсэн байх ёстой. Энэхүү хөрөнгийн босго нь гадаадын хөрөнгө оруулалттай аж ахуйн нэгж байгуулахад шаардлагагүй бөгөөд харин тухайн хөрөнгө оруулагч болон түүний гэр бүл нь Монгол Улсад байнга оршин суух виз хүсэх тохиолдолд Монгол Улсад оруулах хөрөнгө оруулалтын доод хэмжээг зааж өгөх нь тохиромжтой гэж төсөл санаачлагчид үзжээ. Үүнийг УИХ-ын гишүүд эсэргүүцээд байгаа юм. Тиймээс Хөрөнгө оруулалтын тухай хуульд өөрчлөлт оруулах төслийн талаар Засгийн газрын хэрэг эрхлэх газрын дарга Ц.Нямдоржийн байр суурийг тодрууллаа.
Тэрбээр " Энэ хуулийн төслийг бүлгийн хурал дээрээ ярьж байгаад шийдэх хэрэгтэй байх. Тэр төсөл явахгүй байлгүй дээ. Ирээдүй талаас нь бодоход хойноосоо муу зүйл дагуулж магадгүй. Гишүүдийн болгоомжлол бол буруу биш. Бүлэг дээрээ ярьж байгаа нэг тийш нь болгох байх. Миний ойлгосноор санаачилсан гишүүдийн зарим нь мэдээгүй байсан гэсэн. Санаачлагчдын хувьд зөрөлдөөн гарч татах нөхцөл үүсч байна гэсэн үг" гэлээ.
Сэтгэгдэл (0)
Сэтгэгдэл бичигдээгүй байна