2021/12/06
USD 2,811

Ө.Шижир: МАН-ыг хар! Үүнээс хойш тэвчээрийн зааг үгүй боллоо


УИХ-ын 18,28-р тойргуудын нөхөн сонгуулийн үр дүнд Ардчилсан намаас өрсөлдсөн нэр дэвшигчид ялагдал хүлээсэн нь тодорхой болсон. Сүүлийн гурван том сонгуулийн үр дүнд иргэд Ардчилсан намд итгэхгүй байгаагаа ийнхүү харуулсан болохыг тус намын гишүүн, Ерөнхийлөгчийн Тамгын Газрын дарга асан Ө.Шижир цахим хуудсаараа илэрхийллээ. 

Тэрбээр “Сонгуулийн үр дүнг та бүхэн баяртайгаар хүлээн авч байна уу, эсвэл арай ч дээ хэмээн харамсаж байна уу. Аль ч хувилбараар нь хүлээж авсан энэ бол бидний байгаа л царай. Өглөө босоод толинд л өөрийгөө харж байна аа л гэсэн үг. 

Ардчилсан нам 2016 оноос хойш /2017 оны Ерөнхийлөгчийн сонгуулиас бусад/ бүх сонгуульд дараалан ялагдлаа. Ялагдах ялагдахдаа улстөрийн хоёрдугаар байр суурь эзэлж байсан тавцангаасаа арчигдаж байна. Эцсийн дүндээ иргэд бидэнд, манай намд тавих ёстой дүнгээ л тавилаа.

Одоо үүнээс цааш газар үгүй, үүнээс хойш тэвчээрийн зааг үгүй.

1989 оны өвөл, 1990 оны хавар Сүхбаатарын талбайд, цаашлаад улс даяар Ардчиллыг хүсч жагссан Монголчууд Ардчилалд итгэл алдарсан хэрэг огтхон ч биш ээ. Ардчилсан нам бол нийтлэг үзэл, нэгдмэл зорилгын төлөөх улс төрийн нам биш болсон. Харин сүнсээ ч худалдаад хамаагүй намын гишүүдийн итгэл найдвар, хөдөлмөр зүтгэлийг хумхын тоос чинээ санадаг, үеэ өнгөрөөсөн "ах нар"-ын өрсөлдөөнд ийм боллоо. Тэд дээд, дунд, доод түвшний клуб, эсхүл төрийн институцууд, бизнесийн бүлэглэл, хэвлэл мэдээллийн байгууллагатай ашиг сонирхлын нэгдэл болж, өндөр дээд түвшний авилгын сүлжээ, мафийн тогтолцооны шинж чанартай болсон.

Тиймээс Ардчилсан нам эхлээд нам шиг нам болох ёстой. Өнгөрсөн 31 жилийн хугацаанд Ардчиллыг жинхэнэ утгаар нь байгуулж, ард иргэдийнхээ наад захын хэрэгцээг ч хангаж чадаагүй учраас ардчилал нь үзэл санааны “хар зах” дээр “зарагддаг” ердийн нэг “бараа” болж хувирлаа.

Бид одоогийн нөхцөл байдалдаа дүн шинжилгээ хийж, Монголын өвөрмөц онцлог, дэлхийн нийтлэг үзэлд тулгуурласан, ардчиллын шинэ үзэл санааг өөрсдөө боловсруулах шаардлагатай.

ҮЕ ХООРОНДЫН ШИНЭЧЛЭЛ

1989 оноос өнөөдрийг хүртэл Ардчиллын алтан хараацай гэгдэж, Монгол Улсын бүхий л өндөр дээд албан тушаалуудад томилогдож, одоо ч цөхрөлтгүй улайрсаар байгаа “ах нар” маань өөрсдөө хөгжлийн хамгийн том саад болж байгаа гэдгээ ухамсарлаж байгаа болов уу?

МАН 1990 оноос хойш Г.Очирбат, Б.Даш-Ёндон, Н.Энхбаяр, С.Баяр, Сү.Батболд, М.Энхболд, У.Хүрэлсүх, Л.Оюун-Эрдэнэ зэрэг 1920-1980-аад онд төрсөн дарга нарын нүүрийг үзэж байхад Ардчилсан нам мөнөөх л Э.Бат-Үүл, З.Энхболд, С.Эрдэнэ нарыг толгой дээрээ залсаар өлгийндөө өтөлж байна. Сая, 18 болон 28-р тойрогт нэр дэвшсэн нэр дэвшигчидээ ч гэсэн хар!

Энгийнээр хэлбэл МАН улстөрийн үе шилжилтийг сүүлийн 31 жилийн хугацаанд хийж, 9 дэхь үеэ бэлтгэн маш бодитойгоор гаргаж ирж байна. Өнөөдөр эрх барьж байгаа намын удирдлагууд бүгд 1980 оны төлөөлөл байгаа бол дунд шатны удирдлагууд нь 1990 оноос хойш төрсөн залуучуудаар бүрдүүлж. МАН-ын хамгийн гол гурван ч газрын дарга нь 1990 оноос хойш төрсөн залуучууд байх жишээтэй.

Гэтэл манай намын дарга нь С.Эрдэнэ ч юм шиг О.Цогтгэрэл ч юм уу М.Тулгат бас дарга нь ч юм шиг… Мэдэхгүй ээ мэдэхгүй, яг юу болоод байгаа юм гэдэг л зүйл болж байна. Намын Ерөнхий нарийн бичгийн дарга бүр байхгүй, газар хэлтсийн дарга нь нар тогтвортой биш. За дунд шатны намын дарга, ХЭГ даргыг ярих юм бол жилд хэд ч солигдоод байгаа юм ёстой бүү мэд.

Одоо болсон, удирдлага гэх хүмүүс бүгд хариуцлагаа хүлээх ёстой. Хүний нөөц, гишүүнчлэлийн асуудал бүр таг мартагдсан. Манай намд залуус элсэх байтугай дайжих болсон. 

. Улстөрийн сүүлд зохион байгуулсан хоёр ч сонгуулийг "ах нар" чинь хувийн эрх ашгийнхаа төлөө зараад идчихлээ.

"Улс төрийн тулгуур мэт хоёр багана" хэмээдэг нэг багана нь болох Ардчилсан нам маань цагаан хуудастай өрсөлддөг, одоо бүр сүүлдээ "Үнэн ба зөв" намтай байр булаацалдан өрсөлдөж байна.

Бизнес эрхлэгч хүн бохь эсвэл чихэр заран худалдаа хийж ашиг орлого олдог бол манай намын үүсгэн байгууллагч ах нар маань намаа зарж цөм ашигтай бизнес хийж байна. Тийм болохоор үзэл санаанаасаа урвадаг урвагчдаасаа салъя!

1990 оны энэ ах нарын оронд 1990 онд төрсөн залуучуудыг намын удирдлагад гаргаж байж холдуулах юм байна.

АРД ТҮМНЭЭ НЭГ ХАРААЧ

“Ямар ард түмэн байна, тийм төр байна!” гэдэг афоризмыг Ф.М.Достоевский хэлэхдээ ард түмний сонголтоор сонгогдон зохион байгуулагддаг төрийн тухай хэлсэн болов уу? Ямартай ч тухайн ард түмний ямар нэгэн нөлөө, оролцоогоор байгуулагддаг тийм төрийн тухай хэлсэн биз.

Харин Монголд улс төрчид, нийтлэлчдийн амны зугаа, чихний баясгалан болсон энэ афоризм ихэд дэлгэрэн тарахдаа ард түмний боловсрол, мэдлэг тааруу, өөрөөр хэлбэл мунхаг, галзуу ард түмэн учраас сонгуулиар тийм л улс төрчдийг сонгож гаргадаг гэдэг хоёрдмол утгагүй тайлбар ойлгогдох болсон юм. Монгол Улсын улс төр, эдийн засаг, нийгмийн бугшсан асуудлуудыг тайлбарлахад хэтэрхий амархан, бас гэнэн логик бус уу?

Гэтэл Монгол Улсын төр өөрөө ашиг сонирхолын бүлгүүдэд “барьцаалагдсан” ба тэдний зөрчил тэмцлийн хийгээд ашиг хонжооны мөлжлөгийн талбар болсон учраас сонгуулиар нэр дэвшигчдийн жагсаалтад зөвхөн тэдний шалгарсан манлай төлөөлөл орохоос өөр хэн ч орох боломжгүй гэдгийг тэд эс мэднэ гэж үү?

Үндсэн хуулиар иргэд “төрийн байгууллагад сонгох, сонгогдох эрхтэй” гэж заасан заалтыг нь иргэн сонгогчоос “дээрэмдэж”, Монгол Улсын төрийг “эрэг, шургаар” нь задалж хулгайлаад төрийн машиныг тонох “төрийн хүмүүс”-ийг сонгогчдод байдлыг дээрдүүлэх ямар ч сонголтгүйгээр тулгаж байгаа юм. Монгол Улсын төр “хулгайчдын орогнох оромж” болсон учраас ард түмэн дэлхийд 10-т жагссан өндөр хүүтэй банк, ломбард, мөнгө хүүлэгчдийн зээлд шулуулж, Үндсэн хуулиар олгогдсон амьд явах эрх нь зүйл бүрээр зөрчигдөж, өвчлөл, цаг бусын үхэл, ядуурал, ажилгүйдэлд нэрвэгдэж, дээр нь “хар масс” хэмээн доромжлогдож, “ардчилсан, хүний эрх, эрх чөлөөт, иргэдийн тэгш оролцоог хангасан, парламентын ардчилсан улс” гэж бас дахин доромжлогдож байгаа юм.

Ямар төр байна, тийм ард түмэн байна.

БИД ХУДГИЙН МЭЛХИЙ ЮУ? ХӨГЖЛИЙН МАНЛАЙЛАГЧ УУ?

1990 оны Ардчилсан хувьсгалын гол ололтыг хүний эрх, эрх чөлөө, төр засгийг шүүмжлэх эрх чөлөө гэж үздэг. Гэвч ядуурал, ажилгүйдэл, амьдралын баталгаагүй болсон нийтийн шүүмжлэлийг чухам тийм болгосон дээд давхарга буюу нам, төр нь хэзээ ч хүлээж авахгүй, бас үйл ажиллагаандаа тусгахгүй нь логикийн хувьд, бас системийн хувьд мэдээж гэдгийг бид 30 жил харлаа. Зүйрлэвэл гүнзгий худаг дотор байгаа хүн худгийн амсар дээр зогсч байгаа нэгнийг худаг дотроосоо шүүмжилж, тэр ч байтугай, бүдүүлгээр хэлэхэд доромжилж болно. Гэхдээ худгаасаа гарч чадахгүй нөхцөлд түүний энэ үйлдэл нь юуг ч өөрчилж чадахгүй, бас юунд ч нөлөөлөх боломжгүй, ердөө л худаг доторх утга учиргүй тэнэг үйлдэл болох бус уу?

Ардчилсан намын залуу гишүүд бид худгийн мэлхий юу, хөгжлийн манлайлагч уу гэдгээ өөрсдөө сонгох цаг одоо л ирлээ. Учир нь үүнээс цааш газар бидэнд үгүй. За яах вэ, хэдүүлээ зүгээр хараад л суугаад байх уу. Ардчилсан намын гишүүн Өлзийхүүгийн Шижир” хэмээсэн байна.


Сэтгэгдэл (22)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.195
Хулгай луйвар гүтгэх доромжлох шудрага бус явдал талсал хагарал эмх замбараагүй дур зоргоороо аашлахыг ардчилалынхан дэмждэг нь бодит амьдралд ард түмэнд сөргөөр нөлөөлж байна
Хариулах
66.181.161.14
Чи мөнч их ухаантай юмаа
Хариулах
103.29.144.250
Зөв л юм бичиж.амбицлаж нэрээ, намаа худалдсан хэдэн өвгөдөөсөө салах цаг болсон.
Хариулах
202.126.92.194
Ардчилсан Нам гэж юу хуцаад бгаа бэ Ардчилсан Нам ХХК болсон захирлууд нь гэж нөгөө хэдэн дуракууд. Одоо энэ АН гэдгээ боль тараагаад татан буулга.
Хариулах
2003:ee:8f28:b63d:ed7c:b454:765a:6661
Soz- niigmiin humuus uls turuus bugd garah ystoi!!! ter MAHN AN MAN bugd eeljilj garaad mongoliin ediin zasagiig suiruulsen, mongoliin gazariig hytadad zarsan, mongol maliig heden sayaar ni hytadruu zuuj bn, mongol hund batalgaatai huns uildverleh uildver barihgui bn, emneleg surguuli barihgui bn bugd uul uurhai yrij gazar uhsaar , baigali ergej sehehgui tahal odoo dahin dahin garch humuus uregdej duusah ayultai Ekology sunuvul an amitan bhgui, hund hool oldohgui uursduu uheh iim jamtai , eniigee oilgood bitgii baigal suitge Hunii erh gj buur bhgui bolj , shuumjilsen huniig barij horidog Dictator yrunhiilugchtei, ene bugd bol Oros-Hytad-iin nuluu yvaad baigaag haruulj bn,
Хариулах
66.181.185.145
АН байна уу МАН байна уу хамаагүй, энэ улс одоо өнгөрсөн, феодалын нийгэм рүү эргэлт буцалтгүй орж байна
Хариулах
202.126.88.56
Женко бол хорон санаагаа тавьж дуусахгүй юм даа АН муу бгаа бол Х.Баттулгын ажил шүү яг үнэндээ
Хариулах
202.9.46.52
АН АЛЬ ХЭДИЙН ӨӨРӨӨ ӨӨРИЙГӨӨ УСТГАЖ СӨНӨӨСӨН.
Хариулах
103.212.118.148
Ямарч юманд үе хугацаа гэж бна Болохгүй болсон юм гэж бас бна Болохгүй юм болохгүй Танай хан Ганцхан Эрдэнээ. болсох гэх юм Аль дээр энэ хүнээ зайлуулах нь яасан Чадаагүй байж одоо олон юм ярьж тэрнээс энэнээс боллоо гэдгээ больчих Ганц хүнээс болдог юм ховор шүү Нөхцөл байдал цаг үе гэж юм байдаг юмаа Одоо тэгээд сайн сайхан болгочихооч дээ Болохгүй болсон юм болохгүй Мэдрэмжтэй байцгаа 1992 оня үнлсэн хуулиа өөрчил Цоо шинэ үндсэн хууль гаргахыг бод Эвлэлдэн нэгдэж энэ төр улсаа байгуулалц Хуучнаараа сэтгэх хэрэггүй Ард түмний итгэл алдарсан
Хариулах
192.82.88.183
Залуучууд өөрсдөө тэр намаа байгуулаач заавал АН яах гээд байгаа юм та нар та нарын муулаад байгаа хэд чинь энэ намыг энэ нийгмийг байгуулсан юм тэгээд та нар т хуцах эрх чөлөөг чинь олгосон юм за юу Женкогийн тролуудаа итгэл эвдэж намыг болон улсыг хувааж талцуулдаг женко чинь лайгаа эдлэх цаг нь удахгүй байх өө
Хариулах
66.181.161.51
Залуучуудаа гаргаж ирэх гэдэг дээр санал нэг байна.Гэхдээ ахмад үедээ өшиглөж биш тэдэнд дээр дөрөөлж явах хэрэгтэй мэт. Женког ерөнхийлөгч болсноос хойш сонгуульд ялаагүй гэдэг бол үнэн шүү.Тэгэхээр Женко ямар байсан нь харагдана.
Хариулах
66.181.185.216
Үүнээс өөр оносон дүгнэлт урьд өмнө нь үзээгүй юм байна. Зөв шүү. За тэгээд гишүүд дэмжигчид яаж хүлээж авах л үлдлээ. Нөгөө Өнөрбаяр нь гарч ирээд бусад уруу дайраад алийг нь алдуулаад өгөх байх аа. Мань хүний бодлоор АН -ы энэ унхиагүй байгаа нь МАН -аас болоод байгаа болоод байгаа юм шиг байгаа юм.
Хариулах
202.126.90.136
Зөв. Зайлуудах хэрэгтэй
Хариулах
202.126.90.136
Үнэн шүү. Үнэн
Хариулах
202.126.90.136
Бүдүүлэг хүн бэ? Чи
Хариулах
202.126.90.136
Шижирийг залуучууд зөв үзэл бодолтой хүмүүс, аавууд , ээжүүд өвөө эмээ нар бүгдээрээ дэмжээсэй. Хэлсэн ярьсанг нь ойлгоосой.
Хариулах
203.91.115.48
Чи эхлээд өөрийгөө зас, дараа нь олон юм хуц. Танай эзэн чинь АН-ыг хүчгүйдүүлэхэд их хувь нэмэр оруулсан даа
Хариулах
103.87.255.90
ok
Хариулах
103.87.255.90
gvghgjvgv buvuvu j ghvubu
Хариулах
202.126.89.165
АН бол хаант төр шг л бугшж бна ардчилал ярьсан худлаа ярьсн хүмүүс гдг н өдөр өдөрөөр мэдгдж бна ямрч залуу үеэ гсн орон тоо байхгүй бид л ардлалг авч ирсн бид байх ёстой гсн хэсг бүлг хүмүүс бна энэ батүүл эрднэ элбэгээ мэтын хүмүүсг бүр АН с бүр холдууллхгүй бол эгэ нам мөхөж бна
Хариулах
202.126.88.189
Хүзүүгүй бах худагт ч биш нүхэн дотор аймшигтай мутант болчихоод вааглан хошгируулж байна аа ан-ы памперстай хөгширч яваа залуучуудыг. Мангасуудын боолууд ан-ы алцан хараалууд
Хариулах
202.126.88.70
АН хөгшчүүл зайлаад өгөөчээ
Хариулах