О.Алтангэрэл: АН-ын тамгыг С.Эрдэнэд шинээр гаргаж өгсөн улсын байцаагч нар өнөөдөр тушаал дэвшээд ажиллаж байна

Ардчилсан намд сүүлийн 30 жилийн түүхэнд байгаагүй онцгой нөхцөл байдал үүссэн гэх шалтгаанаар “Онц Их Хурал” болгон хуралдуулахаар болсон билээ.

Онц их хурлыг хуралдуулахын тулд Ардчилсан намын Үндэсний бодлогын хорооны 290 гишүүн гарын үсэг зурж их хурлаа зарлан хуралдуулахаар шийдвэрлэсэн. 

Тэгвэл өнөөдөр /2021.11.05/ АН-ын 21 аймаг, 9 дүүргийн төлөөлөл,  Их хурлын төлөөлөгчид цугласан хуралдаан эхэллээ.

Ардчилсан намын Их хурлын төлөөлөгчдөд хандан хуульч О.Алтангэрэл  намын одоо байгаа нөхцөл байдал болон хууль шүүхийн асуудлыг тайлбарлав. Тэрээр бодит байдлыг хэлж, энэхүү Их хурал Ардчилсан намын хувьд хууль зүйн хүрээнд асуудлаа шийдэх сүүлийн гарц, үүнээс өөр гарц байхгүй. Бидэнд өөр хууль зүйн гарц үлдээгүй, зөвхөн улс төрийн тэмцэл  үлдэнэ. Тиймээс журмын нөхдийнхөө төлөө эрслэн тэмцэх цаг болсон гэлээ.