АН-ын хуучин фракциуд нэгдэж, С.Эрдэнийг эвлэрэхийг уриалав

Ардчилсан намын Онц их хурал өнөөдөр /2021.11.05/ болж байна. Хурлын уур амьсгал таатай байгаа бөгөөд тамганы маргаанаас үүдэж хоёр хуваагдаад байсан юм. 

Онц их хурлын үеэр УИХ-ын гишүүн О.Цогтгэрэлийг Намын даргаараа ёсчлон баталлаа. Мөн Ардчилсан намын маргаантай асуудал өнөөдрийн хурлаар "нэг тийш болсон" талаар тус намын Ерөнхий нарийн бичгийн даргаар сонгогдсон Л.Гантөмөр хэллээ.

Харин С.Эрдэнийн талын Ардчилсан намынхан буюу З.Нарантуяа, М.Тулгат, Х.Тэмүүжин, Ч.Өнөрбаяр, А.Гантулга, Ө.Шижир нарыг нарийн бичгийн даргаар ажиллах санал тавьсан байна. Ингэснээр Ардчилсан намын хуучин фракциуд нэгдэж байгаа юм. Мөн С.Эрдэнийг ч эвлэрэхийг уриалжээ.

Ардчилсан намын онц их хурлаар тус намын үе үеийн лидер улстөрчид, 21 аймгийн намын дарга нар, 330 сумаас төлөөлөл, нийслэл, дүүргийн намынхан, УИХ-ын бүлгийн гишүүд хуран цуглаж намынхаа алдаа, оноог дэнслэн хуралдаж байна.