2021/11/30
USD 2,811

Ерөнхийлөгч У.Хүрэлсүхийн ивээл дор ойн салбарынхан чуулна


Ойн салбарын Үндэсний чуулган ирэх даваа гарагт эхэлнэ. Тус чуулганыг Монгол Улсын Ерөнхийлөгч У.Хүрэлсүхийн ивээл дор Монгол Улсын Ерөнхийлөгчийн Тамгын газар, БОАЖЯ-наас 3 өдөр зохион байгуулна. Чуулганы салбар хуралдаан Байгаль орчны шинжилгээний төвд болох бол Үндсэн чуулган Төрийн ордонд хуралдах юм.

Чуулганаар манай улсад өрнөөд буй 1 тэрбум мод тарих үндэсний хөдөлгөөний эхлэл, явцын талаар мөн хэлэлцэж, хэрэгжүүлэх арга зам, шийдлийн талаар ярилцах юм.

Ташрамд мэдээлэхэд манай улсад Уур амьсгалын өөрчлөлт, цөлжилтийг бууруулах Үндэсний хороог байгуулаад байна. Тус хороо нь НҮБ-ын Уур амьсгалын өөрчлөлтийн тухай Суурь конвенцын Парисын хэлэлцээр, Цөлжилттэй тэмцэх конвенцоор хүлээсэн үүрэг болон “Тэрбум мод” үндэсний хөдөлгөөнийг улсын хэмжээнд хэрэгжүүлэх ажлыг зохион байгуулж хянах юм. Мөн цөлжилт, газрын доройтлыг бууруулах ажлын салбар дундын уялдааг хангаж зохицуулан ажиллах Үндэсний хороог Монгол Улсын Ерөнхий сайд Л.Оюун-Эрдэнэ ахалж байна.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.182.165
Монголчууд эхэлж чуулж ярилцаж байж 1 тэрбумаа амлахгүй дараа нь хүч түрж явж байгаа нь сонин юм гэцгээж байна. Мэдээж ойн хортон шавьжтай тэмцэхэд хангалттай төсөв байхгүйгээс гадна, самарчид олон мод сөнөөж байна Өвөрмрнголд манай төсөвтэй тэнцэх мөнгө зараад энд тэнд хэсэгчилсэн мод тарьж цөлжилтийг зогсоохгүй байна шүү. Усаа зөв хувиардахгүй бол гүний усыг үр ашиггүй алдвал улам л цөлжинө. Гол мөрнөөс ус татах нь чуцхал сан байгуулах.
Хариулах
202.126.94.99
Одоо больмоор юм!!! Ажлаа ач холбогдлоор эрэмблэж чадахгуй, олон хун цуглуулж евчин тараасан ямар ч ур дунгуй, баахан херенге зарсан юм болноо!!!
Хариулах
66.181.188.31
naad sdanar chin 3tunda orsinmu
Хариулах