Д.Цэнд-Аюуш: Импортоор орж ирдэг бактерийн эсрэг, мөөгөнцрийн эсрэг эм, эм эмнэлгийн хэрэгсэл, тариур ховордсон байна

НМХГ-ын Эрүүл мэнд, боловсрол соёлын хяналтын хэлтсийн дарга Д.Цэнд-Аюуш: Нийслэлийн мэргэжлийн хяналтын газраас төлөвлөгөөт шалгалт хийлээ. Шалгалтад Сүхбаатар 20, Баянгол  12, Сонгинохайрхан  15, Чингэлтэй 27, Хан-Уул 5, Баянзүрх дүүрэгт байрлах 13 нийт 92 алслагдсан байршилд үйл ажиллагаа явуулдаг эмийн сан шалгалтад хамрагдсан. Хяналт шалгалтад хамрагдсан эмийн сангаас тасалдал үүссэн эмийн жагсаалт гаргуулан авч үзэхэд 25-30 нэрийн импортоор оруулж ирдэг өргөн хэрэглээний бактерийн эсрэг, мөөгөнцрийн эсрэг эм, эм эмнэлгийн хэрэгсэл, тариур, дотоодын хоёр эмийн үйлдвэрийн 10-аад нэр төрлийн тарилгын шингэний олдоц захын эмийн сангуудад ховордсон байна.