2021/12/06
USD 2,811

Д.Ганбат: "Богд Зонхов"-ын хөшөөний төсвийг хүч түрэн баталсан МАН матрын нулимс унагааж байна

Н.Мичидмаа
2021/11/22

Ардчилсан намын бүлгээс мэдээлэл хийж байна.

УИХ дахь АН-ын дарга Д.Ганбат "Өнөөдрийн хуралдаанаар Монгол, Оросын "Улаанбаатар төмөр зам" ХНН-ийн  талаарх авч хэрэгжүүлэх зарим арга хэмжээний тухай УИХ-ын тогтоолын төслийн анхны хэлэлцүүлэг болон бусад цаг үеийн асуудлаар ярилцлаа. "Улаанбаатар төмөр зам” ХНН-ийн авсан “МОН-П1”, “МОН-П2” зээлээ эргээд төлж байна. Энэ зээлийг  Япон улсын Засгийн газраас авсан бөгөөд эргэн төлөхдөө  татвар төлөгчдийн мөнгөнөөс төлж байгаа нь тийм ч таатай зүйл биш. Угтаа бол "Улаанбаатар төмөр зам” ХНН энэ зээлийг төлөх ёстой. Монголын ард түмнээс авсан зээлийг үр ашиггүй, хамтарсан компани ашиглаад байх нь  хэрхэвч оновчтой шийдэл биш.  "Улаанбаатар төмөр зам” ХНН  өнөөдрийг хүртэл УБТЗ даргаа тодруулж чадахгүй байна. 

 АН-ын бүлэг 2022 оны төсөв 2021 оны төсвийн гүйцэтгэлд улс оронд орлого олох, эдийн засгийг тэлэх талаар ямар ч бодлого байхгүй учраас төсвийг буцааж татах талаар  онцолж байсан. Үүн дээрээ ч хатуу байр суурьтай байсан.

МАН үнэмлэхүй олонх болсноос хойш хөшөө дурсгалыг олноор барьж үр дүнгүй зүйлд мөнгө зарцуулах нь ихэссэн. Тэд улсын төсвийг хүч түрэн баталсан. 

Хөрөнгө оруулалтуудыг ач холбогдлоор нь эрэмбэлж 290 төсөл хөтөлбөрийг зарцааж, 570 тэрбумыг хэмнэх  боломжтой" гэдгийг  АН өмнө нь удаа дараа мэдэгдэж байсан. "Богд Зонхова"-ын цогцолбор хөшөөг барихыг АН дэмжээгүй. 2021 онд 5 тэрбум төгрөг тавьсан байна лээ. Гэтэл 2022 оны төсөв дээр 34 тэрбум төгрөг тавьсан. Үүн дээр АН эсрэг байр суурьтай байсан. “Хөшөө, дурсгал барих хэрэггүй. Царцаах шаардлагатай” гэдгийг хэлээд МАН үнэмлэхүй олонхоор баталсан. Нийгэм шүүмжлээд эхлэхээр  одоо МАН матрын нулимс гаргаж байна" гэсэн юм.




Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.85.155
Худлаа яриад бгаарай. Танай намын Адьшаа санаачилсан байна
Хариулах
66.181.161.36
An heden balai shahuu ymnuud hend ch hereeggui hog shig yum yarinaa
Хариулах
103.229.121.213
улс төрийн нам төрийн дээр гарахлаар юу болдогын тод жишээ энэ
Хариулах