Өнгөрсөн аравдугаар сард Эрээн хотод коронавирусийн халдвар гарч БНХАУ хилээ хаагаад байгаа юм. Монгол улсын тухайд бараа, бүтээгдэхүүнээ Эрээн боомтоор дамжуулан оруулж ирдэг нь дотоодод бараа, бүтээгдэхүүний хомсдол үүсгээд байна. Харин БНХАУ нь халдвараас сэргийлэх зорилгоор Эрээн хотын боомтоор гардаг экспорт, импортын ачаа барааг чингэлэг тээврийн хүрээнд шийдвэрлэхээр болсон юм.
Уг асуудлаар Шадар сайд С.Амарсайхан: БНХАУ-ын талд халдвар гарсан учир хилийн боомтыг хааж, дахин нээх асуудлыг хоёр талаас ярилцаж тохиролцсон. Гэхдээ чингэлэг тээврээр ачаа нэвтрүүлэхээр манай талаас бүрэн бэлтгэлээ хангаж хилийн зурвас дээр ачаа солилцохоор болсон. Гэсэн хэдий ч Хятадын талаас манай бэлэн байдлыг газар дээр нь ирж үзэх шаардлага тавьсан тул тээвэрлэлт тодорхой хугацаагаар хойшилж байна. Уг нь энэ сарын 05-ны өдөр нээх бүрэн боломжтой байсан. Гэвч нэг, хоёр хоногоор хойшилж байна. ГХЯ, ЗТЯ энэ чиглэлд холбогдох байгууллагуудтай холбогдон аль болох хурдан нээх тал дээр ажиллаж байна. Харамсалтай нь биднээс шалтгаалах зүйлүүд их бага байна.Хилээ хэзээ хааж, нээх нь тухайн улсын шийдэх асуудал.
Сэтгэгдэл (0)
Сэтгэгдэл бичигдээгүй байна