УИХ-ын гишүүн Ц.Туваан мэдээлэл хийлээ.
УИХ-ын гишүүн Ц.Туваан: Өнөөдрийн байдлаар Монгол Улсад 450 мянган тэтгэвэр авагч байна. Тэтгэвэр авагч иргэн зээлтэй байхдаа нас барвал зээлийг ар гэрийнхэн нь төлж байна. Мөн нас барсаны гэрчилгээг авахдаа зээлээ төлсөн байх шаардлага тавьдаг. Тиймээс энэ байдлыг өөрчлөх хэрэгтэй.Манай улсад бүрэн тэтгэврийн доод хэмжээ 350 мянган төгрөг хувь тэнцүүлсэн тэтгэврийн доод хэмжээ 300 мянган төгрөг байна. Бараа бүтээгдэхүүний үнэ маш их нэмэгдэж, инфляци хоёр оронтой тоонд орсон байна. Ийм цаг үед иргэдийн тэтгэвэр хаанаа ч хүрэхгүй байна. Монгол Улсын нийт хүн амын 30 гаруй хувь буюу 900 мянган хүн ядуу байна. Энд тэтгэвэр авагчид ихэнх хувийг эзэлдэг. Тиймээс иргэдийн асуудлыг шийдэхээр энэ хуулийг төслийг боловсрууллаа. Ерөнхийлөгч асан Х.Баттулгын санаачилгаар тэтгэврийн зээлийг тэглэснээс хойш 71 мянган иргэн 90 орчим тэрбум төгрөгийн зээл авсан байна. Тэтгэврийн 350мянган төгрөг амьдралд нь хүрэлцэхгүй байгаа учраас зээл авч байна. Тиймээс иргэдийн амьдралд тус дэм болох үүднээс хуулийн төсөл санаачилж, боловсруулсан. Хуулиар тэтгэвэрт гарах насыг нэмэгдүүлж байгаа. Тухайлбал эрэгтэй 65, эмэгтэй 60 настай тэтгэвэрт гардаг болох бөгөөд энэ насанд хүргэхийн тулд улирал тутам гурван сараас тэтгэвэрт гарах насыг ахиулж байгаа юм. Харамсалтай нь Монгол эрэгтэй хүний дундаж наслалт 66 байна. Тиймээс эрэгтэй хүн 65 настайдаа тэтгэвэрт гарлаа гэж бодоход дунджаар нэг жил л тэтгэврийн мөнгө авах нь. Энэ бол шударга бус. Яагаад гэвэл тухайн хүн нас туршлаа нийгмийн даатгалын шимтгэлийг цаг тухайд нь төлсөөр ирсэн.Хэрэв ийм асуудал тулгарвал үүсэх асуудлыг энэ хуулиар шийдвэрлэнэ.
Сэтгэгдэл (0)
Сэтгэгдэл бичигдээгүй байна