2022/05/19
USD 2,811

Казахстан цөмийн станц барих талаар Оростой хэлэлцээ хийж байна

Н.Мижидмаа
2021/12/27

Казахстаны эрх баригчид улсдаа анхны цөмийн цахилгаан станц барих талаар Оросын “Росатом” корпорацтай хэлэлцээ хийж байгаа тухай Казахстаны Стратеги төлөвлөлт ба өөрчлөлтийн агентлагийн тэргүүлэгч Кайрат Кэлимбатов мэдээлсэн байна.

Тэрээр Оросын “Коммерсант” сонинд ярилцлага өгөх үеэр энэ тухай ярьсан бөгөөд Казахстаны хөгжлийн нэг чиглэл нь нүүрснээс бүрэн татгалзах явдал учир цөмийн цахилгаан станц барих шаардлага гарсан гэж. Энэ тухай тэрээр ярихдаа “Энэ бол нүүрсний эрчим хүч 70 хувийг эзэлсэн эрчим хүчний загвараас шинэ төлөв рүү хийж байгаа шилжилт. Бид 2060 он гэхэд нүүрстөрөгчийн ялгарлаар аюулгүй болох ёстой гэсэн урт хугацааны үүрэг хүлээсэн. Бид Глазгод байлцсан бөгөөд 2030 он гэхэд нүүрстөрөгчийн ялгарлын хэмжээг 15 хувиар багасгах ёстой” гэжээ.

Эдгээр төлөвлөгөөг хэрэгжүүлэхийн тулд Казахстан нар ба салхины эрчим хүчинд хөрөнгө оруулалт татах хэрэгтэй байгаа ч дан энэ аргаар нүүрсийг бүрэн орлуулах боломжгүй онцолсон байна. Тэрээр “Бидэнд шатдаг хий хэрэгтэй бөгөөд энэ тал дээр бид “Газпром”-той хамтарч байгаа ч яваандаа Казахстан цөмийн цахилгаан станц барихаас өөр аргагүй болох байх. Энэ талаар бид “Росатом”-той хэлэлцээ хийж байна” гэжээ.

Мөн ингэж нүүрснээс бүрэн татгалзсанаар цахилгааны үнэ өндөр болно гэдгийг Керимбатов онцолжээ. Тэрээр “Үнэ тариф өөр болно. Өнөөдөртөө бол манайд тариф тийм ч өндөр биш хэдий ч шилжилт хийхээр өснө гэдэг нь хүн амын хувьд болон аж үйлдвэрлэлд тийм ч сайнгүй мэдээ. Аж үйлдвэрлэлийн салбарын өрсөлдөх чадвар буурдаг. Гэхдээ өөр арга байхгүй” гэжээ.



Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.16.33
Манайх аль дээр барих байсан юм.
Хариулах
66.181.191.61
Цөмийн түлшний түүхий эд монголоор нэг бий. Хүсвэл түүхий эд нь байгаа юм түлш болгож болох биз
Хариулах
66.181.191.61
Харин ээ хоцроод байна уу?! хөгжүүлээд байна уу? гэдэг ялгахад бэрх ккк 10 аймагт дулааны цахилгаан станц барих юм ярих. Дулааны станц нь түүхий нүүрсээр л ажиллана даа. Хүүкийн дэлхийн уур амьсгалд чилээрхсэн сэтгэл эмзэглэл нь хаанхана яваа вэ?
Хариулах
202.21.108.3
Манайх хоцрогдсоор л.
Хариулах
122.201.23.28
өө тийм үү, яасан их өмгөөлнө вэ ,,,
Хариулах
202.126.89.208
Казак бол цөмийн түлшний үйлдвэртэй болчоод цахилгаан станц барьж бгаа шүү. Бөөсөнд хутга яриад бв?
Хариулах