2022/05/19
USD 2,811

Хятадад прокурорын үүрэг гүйцэтгэх чадвартай хиймэл оюун ухаан бүтээжээ

Н.Мижидмаа
2021/12/27

Хятадын эрдэмтэд прокурорын үүрэг гүйцэтгэн хавтаст хэрэгтэй танилцсаны үндсэн дээр сэжигтэнд 97 хувийн нарийвчлалтайгаар ял тулгах чадвартай хиймэл оюун ухаан бүтээсэн тухай “газета South China Morning Post” мэдээлсэн байна.

Энэхүү шинэ технологийг Шанхай хотын Пүдүн дүүргийн ардын прокурорын газар туршин шалгаж үзэхэд үр дүнтэй гэдгээ харуулжээ. Өөрөөр хэлбэл хавтаст хэргийг хиймэл оюун ухаанд танилцуулахад хиймэл оюун ухаан нь хэрэгтэн ямар хуулийн хэд дэх заалтыг зөрчсөн болохыг шууд тодорхойлж, ялын дүгнэлт үйлдээд шүүх рүү явуулсан байна. Хиймэл оюун ухааны гаргасан яллах дүгнэлтийг үндэслээд шүүгч шийдвэрээ гаргаж байж. Эрдэмтдийн тооцсоноор ийм дижитал прокурор нь жинхэнэ прокуроруудын ачааллыг маш ихээр багасгаж өгснөөр, тэдэнд жинхэнэ хүнд хэрэг дээр анхаарлаа төвлөрүүлэх боломж олгох ёстой юм байна.

Хиймэл оюун ухааныг 2015-2020 оны хооронд авч хэлэлцсэн 17 мянган хавтаст хэргийн жишээн дээр яллах дүгнэлт яаж гаргах ёстойг зааж сургасан юм байна. Улмаар одоо дижитал прокурор нь хавтаст хэрэгтэй танилцах үедээ мянга гаруй онцлог шинжийг ялган онцолж, тэдгээр дээр үндэслээд яллах дүгнэлт гаргаж сурсан байна.

Одоо туршигдаж байгаа дижитал прокурор нь Шанхайн хотод хамгийн түгээмэлд тооцогддог зээлийн картын луйвар, мөрийтэй тоглоом зохион байгуулсан, аюултай жолоодлого, санаатайгаар гэмтэл учруулсан, ажил үүргээ гүйцэтгэхэд саад болсон, хулгай, луйвар, хэрүүл өдөөсөн гэх найман зүйл хэрэг дээр яллах дүгнэлт гаргах чадвартай болсон байна.

Цаашдаа суралцаад ирэхээр дижитал прокурор нь түгээмэл бус хэргүүд дээр ч яллах дүгнэлт үйлдэх чадвартай болно гэж Хятадын эрдэмтэд мэдэгдсэн байна.

 

 

 


Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.160.54
Ирээдүйд ч бүр амьд хүнээр хэрэг хянуулдаггүй ч болж мэднэ шүү. Бүр шүүгч нарын орон тоо ч цомхотгогдож мэднэ.
Хариулах
64.119.19.169
ЭНЭ ЁСТОЙ ЗҮЙТЭЙ ЮМ БАЙНА ДАА МОНГОЛЫН АВИЛГАЛЧ, ХУЛГАЙЧ ШҮҮГЧДЭЭС САЛАХ НЭГ ГОЁ ГАРЦ ЭНЭ БАЙНА ШҮҮ
Хариулах
122.201.21.125
ер нь шүүх прокурорыг ИЙМ болгомоор юм дөө
Хариулах
31.164.60.105
Үнэхээр бахархмаар мундаг ард түмэн юм аа. Ажилсаг хөдөлмөрч хичээнгүй Хятадын ард түмэнд баяр хүргэж улам их амжилт хүсье
Хариулах
202.126.89.183
Шудрага шүүх одоо л тогтох нь ашгүй дээ
Хариулах
202.126.92.99
тэгэхээр бас шүүгч ч хэрэггүй болж л байгаа юм байна
Хариулах