Казахстанд ХАБГ-ийн цэргүүд орж чухал объектуудын хяналтад авсны дараа Казахстаны тусгай хүчин суларч, тонуулчид, дээрэмчдийг номхотгох ажиллагаанд шилжээд байна. Түүнчлэн үймээн хамгийн их хохирсон Алма-Атахотод иргэдийн сайн дурын эргүүлүүд ажиллаж байр, гудамжаа тонуулчдаас сэргийлж байгаа тухай мэдээлж байна.
Түүнчлэн цэвэр эдийн засгийн шаардлага бүхий эсэргүүцлийн жагсаал яаж яваад нүд ирмэхийн зуур бүгдийг огцрохыг шаардсан улс төрийн хөдөлгөөн болж хувираад төд удалгүй ямар ч шаардлага байхгүй таарсан бүхнээ тонож дээрэмдсэн хүн сүрэг болж хувирсан талаар шок-д орсон казахстан улсын иргэд янз бүрийн таамаг дэвшүүлж байна.
Тухайлбал, Алма-Ата хотыг хамгийн их тонуулж, дээрэмдүүлсэн хот болоход “мамбет” нэртэй хүмүүс хамгийн голлох үүрэг гүйцэтгэсэн тухай ярьцгааж байна. “Мамбет” гэдэг нь хөдөө орон нутгаас амьдрал хөөн хот газар бараадсан хүмүүсийг хэлдэг юм байна. Тэд гол төлөв төрөл саднаа даган орж ирсэн боловсрол мэдлэггүй, хялбар аргаар баяжих гол зорилготой, төр засгаас ямагт янз бүрийн хөнгөлөлт, тэтгэлэг шаардаж байдаг, дээрэнгүй, ертөнцийн хамаг юмыг казах гаралтай гэсэн гэнэн үндсэрхэг үзэлтэй, мухар сүсэгтэй, амьдралын түвшин дунджийн доогуур ба түүнээс доош байдаг хүмүүс гэнэ.
Тэд Алма-Ата хотод хамгийн олноор ирж суурьшсан. Түүн дотроо саяны үймээний үеэр хамгийн их хохирсон дүүргүүдэд мамбетууд хамгийн олноор шилжин ирж суурьшсан байдаг аж.
Сэтгэгдэл (0)
Сэтгэгдэл бичигдээгүй байна