АНУ-д даваа гарагт COVID-19-ийн халдвар авсан 1,13 сая тохиолдол бүртгэгдсэн нь корона вирусийн хоногийн халдварын дэлхий шинэ рекорд болсон тухай “Reuters”агентлаг мэдээлсэн байна.
Үүний өмнөх дээд амжилтыг нэгдүгээр сарын 4-нд тогтоогоод байсан юм. Тэгэхэд Америкийн эмч нар нэг хоног омикрон хувилбарын сая гаруй тохиолдол бүртгэж байсан юм. Харин түүний өмнөх дээд амжилтыг 2021 оны арванхоёрдугаар сарын 31-нд бүртгэж байсан бөгөөд тэгэхэд 590 мянган тохиолдол бүртгэж байж.
Энэ удаагийн 1,13 сая тохиолдол гэсэн тоо нь эцсийн биш бөгөөд бүх мужууд хоногийн тохиолдлын тоогоо нэмж гаргахаар бүр хоёр дахин өндөр тоо гарч магадгүй тухай “Reuters” мэдээлжээ.
Жон Хопкинсын их сургуулийн мэдээгээр нэгдүгээр сарын 10-ны байдлаар АНУ-ын нутагт цар тахал эхэлснээс хойш бүртгэгдсэн тохиолдлын тоо 60 сая хүрээд байна. Бүр тодруулбал COVID-19-ийн халдвар авсан нийт 60 сая 62 мянга 77 тохиолдол бүртгэгджээ. Үүнтэй зэрэгцээд COVID-19-ийн улмаас нас барсан хүний тоо 837 мянгад хүрсэн байна.
Сэтгэгдэл (0)
Сэтгэгдэл бичигдээгүй байна