Казахстанд тонуулчид эрх баригчдын эсрэг иргэдийн жагсаал, эсэргүүцлийн цуглааныг эх захгүй үймээн, дээрэм болгож хувиргасан. Тонуулчдын учруулсан хохирлын хэмжээ 2 тэрбум долларт хүрээд байгаа. Казахстаны эрх баригчид ХАБГ –ий оролцогчдыг оруулж байгаад тонуулчид, дээрэмчдийн эсрэг хатуу тэмцсэн ч тэр бүр амжилтад хүрч чадахгүй байгаа бололтой.
Учир нь, эмх замбараагүй байдлын үеэр хаагдаад байсан интернэт хоёр өдрийн өмнө хэсэгчлэн холбогдсон даруйд алдартай брэндүүдийн люкс зэрэглэлийн бараа бүтээгдэхүүн хямдхан зарна гэсэн зард “булагдсан” тухай олон нийтийн сүлжээ шуугьж байна.
Ямар ч бизнес эрхэлдэггүй хүмүүс гэв гэнэт хамгийн үнэтэй цаг, хамгийн үнэтэй брэнд хувцас, хамгийн үнтэй сүрчиг, хамгийн үнэтэй гар утас, хамгийн үнэтэй цүнх гээд хамгийн үнэтэй, алдартай зүйлсийг маш хямд үнээр олноор зарах болжээ.
Жишээлбэл, Казахстаны хамгийн том зарын сайт дээр цоо шинэ “Patek Philippe” цагийн 40 мянга тенгегээр зарна гэж. Гэтэл “Patek Philippe” цаг нь хамгийн хямддаа 12 мянган доллар байдаг. 1 доллар 434 тенге гэж үзвэл даруй 5 сая 200 мянган тенге байх ёстой юм.
Мөн “Louis Vuitton” брэндийн эмэгтэй гутал 23 мянга 500 тенгэр буюу 54 доллароор зарна гэсэн зар явсан нь маш олон хандалт авсан байна. Учир нь, ийм оригинал эмэгтэй гутал 1300 долларын үнэтэй байдаг аж.
Сэтгэгдэл (0)
Сэтгэгдэл бичигдээгүй байна