Хөгжлийн банкны чанаргүй зээлдэгч нарын жагсаалт “Анод” банкны дампууралд нэр холбогддог УИХ-ын гишүүн асан Д.Дамба-Очироор үргэлжилж байна.
Түүний төрсөн дүү Дорждамбын Дамбасүрэнгийн 2006 онд үүсгэн байгуулж байсан “Эрдэнэт лайт” ХХК хөгжлийн банкнаас зээл авч, найдваргүй зээлдэгч нарын жагсаалтад багтжээ. Д.Дамба-Очирын төрсөн дүү буюу компанийг үүсгэн байгуулагч нь компанийнхаа гүйцэтгэх захирлыг жил дарааллан сольж байсан нь анхаарал татна. “Эрдэнэт лайт” ХХК-ийн гүйцэтгэх захирлаар 2012 онд Д.Намжил, 2013 онд Б.Жаргалсайхан, 2014 онд буюу хамгийн сүүлд С.Бүрэнтөгс томилогдон ажиллаж байгаа юм.
Дашрамд дурдахад тус компани 2019 оны 10 дугаар сард Эрдэнэт үйлдвэр ТӨҮГ-аас 419 сая төгрөгийн шугам хоолойн ажлыг авч гүйцэтгэсэн нь шилэн дансанд тэмдэглэгджээ.
Д.Дамба-Очир нь УИХ-ын 2008 оны сонгуулиар Орхон аймгаас нэр дэвшиж ялалт байгуулан Төрийн ордонд заларсан байдаг.
Мөн тэрээр 2008 онд Анод банк дампуурахад захирлуудад нь их хэмжээний мөнгө бэлэглэн хариуд нь хүссэнээрээ зээл авч, банкыг дампуурахад хүргэсэн эрхэмүүдийн жагсаалтын дээгүүрт бичигддэг билээ.
Д.Дамба-Очир нь 2018 онд УИХ-ын гишүүн байхдаа “Сапфир стоун” ХХК-ийн төслийг дэмжүүлж, санхүүжилтэд багтаахаар тухайн үеийн ХХААХҮ-ийн сайд Б.Батзоригт хандаж улмаар ЖДҮХС-гаас 2018 оны тавдугаар сарын 14-нд “Сафир стоун” компанид 1.2 тэрбум төгрөгийн санхүүжилтийг барьцаа хөрөнгөгүйгээр гаргуулж байсан талаар хэвлэлүүд мэдээлж байв.ЖДҮХС-аас Д.Дамба-Очир нь ганцаараа барьцаа хөрөнгөгүй, зээлийн гэрээгүй зээл авсан гэх бөгөөд тухайн үедээ хууль хяналтын байгууллагаар шалгагдаж байсан юм.
ЖДҮХС-ийн зээлд холбогдоод байсан УИХ-ын гишүүн асан Д.Дамба-Очир доорх тайлбарыг тухайн үед өгч байв.
Сэтгэгдэл (0)
Сэтгэгдэл бичигдээгүй байна