У.Оргилмаа: Ийм тодорхой заналхийллийг ил гаргахгүй бол сэтгүүлчдэд байнга ийм заналхийлэл ирнэ

Сэтгүүлч У.Оргилмаа: Ийм тодорхой заналхийллийг ил гаргахгүй бол,  дараагийн удаа залуу сэтгүүлч дүү нарт хэзээ дарамт ирэхийг мэдэхгүй

" Ална гэдэг үгийг 3-4 удаа ашиглаад, "Заригтай чинь хамт ална, заавал ална" гэсэн болохоор олон нийтэд дэлгэсэн. Жирийн нэг иргэн биш, төрийн алба хашиж байсан, Одоогийн байдлаар МАН-ын даргын зөвлөх, МУ-ын Ерөнхий сайдын зөвлөх хүнийхээ хувьд байж боломгүй ёсзүйгүй алдаа гаргаж, эрүүгийн цагдаагийн албанд гомдол гаргасан. Өглөө надаас уучлал гуйсан. Гэхдээ ийм тодорхой заналхийллийг ил гаргаж дуугарахгүй бол,  дараагийн удаа залуу сэтгүүлч дүү нарт маань, ажлаа хийж яваа сэтгүүлчдэд хэзээ дарамт ирэхийг мэдэхгүй байна. Одоо л ил гаргаж мэдээллэхгүй бол дараа, дараагийн удаа сэтгүүлчийн ажилд саад болно."