Сэтгүүлч, NTV телевизийн продюсер Ч.Лодойсамбуу:
"Ганцхан жишээ Жо байдений хэвлэлийн албаны дарга нь өөрийнх нь талаар баримт дэлгэсэн сэтгүүлчийг "би чамайг устгана шүү" гэж утсаар ярьсан. Энэ хүн дараа нь өөрөө уучлалт гуйж, түүнийг ажлаас нь чөлөөлсөн. Сайд асан Ё.Отгонбаярын энэ үг бол хоорондоо тоглоод "ална шүү" гээд ярьж байгаа зүйл биш. Төрийн сайд асан хүн нь сэтгүүлчийг ална шүү гэж байна. Энэ сайн зүйл биш. "Эрх мэдэл" нэг намд төвлөрөөд ирэхээр эрх мэдлээ буруу зүйл рүү, нийгэм рүү чигүүлж байна. Хөгжлийн банктай холбоотой баримт дэлгэсэн сэтгүүлч бүрийг ална гэж заналхийлээд байх юм уу. Хөгжлийн банкинд 1,3 их наяд зээлийн асуудал бий. Одоо ил болж, шүүхэд хандсан нь 840 тэрбум. Одоо 500 тэрбум төгрөгийн чанаргүй зээлтэй холбоотой асуудлууд дэлгэгдэнэ. Тэр бүх сэтгүүлчийг ална гэх юм уу. Хөгжлийн банк огт төлөлтгүй, зээлийнх нь 55 хувь чанаргүй болчихсон. Монголын төр зам дээр зогсож хурааж авсан татвараа хуваагаад авчихдаг. Тэрийг нь дэлгэсэн сэтгүүлчийг "ална шүү" гэж заналхийлээд сууж болохгүй. Баримт гаргаж ирсэн сэтгүүлчээ алуулчихмааргүй байна.
Сэтгэгдэл (0)
Сэтгэгдэл бичигдээгүй байна