Ё.Отгонбаярыг МАН-ын даргын зөвлөхөөс нь чөлөөллөө

Сэтгүүлчийг заналхийлсэн Ё.Отгонбаярыг МАН-ын даргын ахлах зөвлөхийн ажлаас чөлөөлжээ. Тэрбээр өөрөө буруугаа хүлээн зөвшөөрсөн бөгөөд нь намын дүрмэндээ зааснаар түүнийг чөлөөлсөн байна. Ё.Отгонбаяр нь МАН-ын дарга Л.Оюун-Эрдэнийн зөвлөхөөр 2021  оны 10 дугаар сард томилогдсон билээ. 

Эргэн сануулахад Хөгжлийн банкны найдваргүй зээлдэгчдийн талаар бид цуврал болгон мэдээлж байгаа билээ.  БСШУ-ны сайд асан Ё.Отгонбаярын эхнэрийн хамаарал бүхий компани Хөгжлийн банкинд 17.7 тэрбум төгрөгийн өртэй, найдваргүй зээлдэгчдийн жагсаалтад багтаж байгааг мэдээллэсэн. Үүний хариуд Ё.Отгонбаяр нь “Би хүнтэй суухдаа ах дүү чинь зээлтэй юу гэж асуух ёстой байсан уу?” гэж өөрийн твиттер хуудсандаа бичээд байсан юм. Тэрбээр өөрийн албан ёсны твиттер хуудсаараа сэтгүүлчийг ална гэж сүрдүүлсэн захидал илгээсэн тухай сэтгүүлч У.Оргилмаа дэлгээд байгаа билээ. Уг захидалд “Та хоёроос болж салж байна, чамайг олж ална. Миний амьдралыг алсан бол хариугаа авна. Заригтай чинь хамт ална. Үнэн хорсож байна. Нэгэнт тануус тэгж байгаан бол алалцана” хэмээн сэтгүүлчдийн амь насанд заналхийлээд байсан юм.