С.Бямбацогт: Найман нэрийн дэлгүүр ажиллуулахын тулд найман төрлийн зөвшөөрөл авч байна


УИХ-ын чуулганы хуралдааны үеэр УИХ-ын гишүүн, ХЗБХ-ны дарга С.Бямбацогт дөрвөн жилийн хугацаанд гацаад байгаа Зөвшөөрлийн тухай хуулийг яаралтай хэлэлцэн баталж, зөвшөөрөл олгох нэрийн цаана явагдаж буй авлигал, хүнд суртал, шан харамжийг таслан зогсоох шаардлагатай байгаа тухай хатуухан байр сууриа илэрхийллээ.

Тэрээр “УИХ-ын нэр бүхий 22 гишүүний хамтаар Зөвшөөрлийн хуулийг 2019 оны 3 сард санаачлан өргөн барьсан. МУ-ын Засгийн газраас мөн Зөвшөөрлийн хуулийг 2019 онд өргөн барьсан. Хэлэлцэх эсэх нь шийдэгдээд 4 жилийн хугацаа өнгөрч, ард иргэд, ААН-үүдийн маш их хүсэн хүлээж байгаа энэхүү хууль батлагдахгүй хүлээгдэж байна. Зөвшөөрлийн хуульд УИХ зөвшөөрөл олгоочээ гэж хэлмээр байна. Энэхүү хуульд зөвшөөрөлтэйгөөс бусад нь чөлөөтэй байх зарчмыг энэ хуулиар тунхаглаж байгаа. Монгол хүний амь нас эрүүл мэнд, байгалийн баялаг ашиглах, МУ-н үндэсний аюулгүй байдалтай холбоотой асуудал, байгаль хамгаалахтай холбоотой асуудал гэсэн үндсэн хэдэн чухал асуудал дээр тусгай зөвшөөрөл өгдөг байя. Үүнээс бусад бизнесээ ард иргэд, ААН-үүд чөлөөтэй эрхэлдэг байя аа гэдэг агуулгаар энэ хуулийн төслийг өргөн барьсан.         

2001 онд зөвшөөрлийн тухай хууль анх батлагдсан байдаг. Энэ үед үндсэндээ төрөөс сумын Засаг даргаас Засаг дарга хүртэл 200 орчим тусгай зөвшөөрөл өгдөг байсан. 2019 онд хуулийн төслийг өргөн барих гээд судалгаа хийж байх үед тусгай зөвшөөрлийн тоо 1400 орчим болсон байсан. Энэ жил худалдаа аж үйлдвэрийн танхимаас гаргасан судалгаагаар энэ тоо 1600 болсон байна. Ингээд үндсэндээ 8 нэрийн барааны дэлгүүр ажиллуулахын тулд 8 төрлийн зөвшөөрөл авдаг болчихсон. Зөвшөөрөл болгоны цаана, гарын үсэг болгоны цаана хүнд суртал, шан харамж, авлигал явдаг. Энийг л цэгцлэе гэж байгаа юм.

 Ерөөсөө зөвшөөрөлтэйгөөс бусад нь хориотой, зөвшөөрөл авч байж үйл ажиллагаа явуулна. Ийм үзэл баримтлалаар бид сүүлийн хэдэн жил МУ явж ирсэн. Тэгвэл зөвшөөрөл авдгаас бусад нь чөлөөтэй байх үзэл баримтлал руу шилжих нь зүйтэй. Энэ 1600 орчим зөвшөөрлийг 400 болтол нь цөөлье  гэдэг агуулгаар хуулийн төслийг санаачилж боловсруулсан юм. Гэтэл 4 жилийн хугацаа өнгөрөөд баталдаггүй, тэгсэн атлаа Засгийн газрын мөрийн хөтөлбөр, улс төрийн намуудын сонгуулийн мөрийн хөтөлбөрт зөвшөөрлийн тоог цөөлнө, тусгай зөвшөөрлийг цөөлнө, хүнд суртлыг багасна гэж тусгасан. Ягаад бодит байдал дээр хүнд суртлаас салах хуулиа батлах тал дээр хойрго хандаад байна вэ гэдгийг асуумаар байна. Энэхүү хууль батлагдсанаар ард иргэдийн нуруу тэнийж, ААН-үүд бизнесээ чөлөөтэй эрхлэх боломжтой болно. Чөлөөтэй бизнес эрхэлдэг болсноор ард иргэд, ААН-н орлого нэмэгдэнэ, орлого нэмэгдсэн хэмжээгээр татвараа ахиу төлнө, татвар ахиу төлөх тусам улсын төсвийн орлого нэмэгдэнэ, эдийн засаг томорно шүү дээ. Нөгөөтэйгүүр далд эдийн засаг ил болно энийг бид тал талдаа бодолцмоор байна. Тийм болохоор зөвшөөрлийн хуульд зөвшөөрөл олгож, УИХ-аар хэлэлцүүлж өгөхийг хүсье” гэсэн юм.

         

         

         

          


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 8 цагийн өмнө
Ирэх сард ихэнх нутгаар хүйтэн байна 9 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 10 цагийн өмнө
Зам засварын ажил ирэх сарын 10-наас эхэлнэ 11 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 11 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 13 цагийн өмнө
Сурагчид өнөөдөр хичээллээд амарна 13 цагийн өмнө
Танилц: Өнөөдөр цахилгаан хязгаарлах байршлууд 13 цагийн өмнө
Ойрын хоёр хоногтоо салхитай хүйтэн байна 13 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр