Мансууруулах бодис хэрэглэсэн гэх ГЕГ-ын байцаагчийг ажлаас нь чөлөөлжээ

Гаалийн ерөнхий газрын зөрчлийн улсын байцаагч "Д"-гээс мансууруулах сэтгэцэд нөлөөлөх бодис хэрэглэсэн нь тестээр илэрсэн гэх мэдээллийг бид хүргэсэн. Мөн түүнтэй хамт байсан эрхэлсэн тодорхой ажилгүй, 3-4 хүнээс сэтгэцэд нөлөөлөх бодис илэрсэн гэх мэдээлэл бий. 

Тэднийг тайчих клубт үйлчлүүлж байх үеэр нь холбогдох газруудаас шалгаж, улмаар шээсэнд нь шинжилгээ хийхэд мансууруулах бодис хэрэглэсэн байсныг илрүүлжээ.

Тэгвэл ГЕГ-ын хариуцлагатай алба хашдаг ч мансууруулах бодис илэрсэн гэх "Д"-г ажлаас нь чөлөөлжээ. Тэрбээр 3-4 жил ГЕГ-ын зөрчлийн байцаагчаар ажилласан байна.