Гэрийнхээ гадаа тоглож байгаад сураггүй болсон хоёр настай охиныг эрэн хайж байна

Увс аймгийн Улаангом сумын 8 дугаар багийн “Бага нуур” гэдэг газар /сумын төвөөс хойд зүгт 60 км-т/ гэрийнхээ гадаа тоглож байсан бага насны хүүхэд сураггүй алга болсон тухай дуудлагыг 09.18-ны өдрийн 20:50 цагт хүлээн авсан. Тус аймгийн Онцгой байдлын газрын Эрэн хайх, аврах салбар, Цагдаагийн байгууллагын алба хаагчид, тус сумын Засаг даргын Тамгын газрын ажилтнууд, ар гэрийнхэн Н-ийн О /2 настай, эмэгтэй/-ийг эрэн хайх ажиллагааг 09.18-ны өдрийн 21:10 цагаас эхлэн зохион байгуулж байна.