ЗУРА2: ЦУРАМ АЖИЛЛАГААГ ҮЗЭХ ТАВАН ШАЛТГААН


Фантастик продакшны шинэ уран бүтээл болох Зура2 Цурам ажиллагаа нээлтээ хийгээд ердөө арваад хонож буй. Тус кино Фантастик продакшны 14 дэх дэлгэцийн бүтээл бөгөөд нээлтээ хийсэн даруйдаа урлаг судлаач, кино шүүмжлэгчдийн нүдэнд өртөөд эхлэв. Үүний зэрэгцээ үзэгчдийн сонирхолыг тун ихээр татаж буй. Иймд уншигч та бүхэнд "Зура2 Цурам ажиллагаа"-ны тухай сонирхолтой мэдээллийг хуваалцаж байна.

-Шинэ адал явдал-
"Зура2-Цурам ажиллагаа" кино "Зура-1" киноны үргэлжлэл биш гэдгийг уншигч та бүхэн аль хэдийн мэдсэн гэдэгт итгэлтэй байна. "Зура-2" кинонд цоо шинэ адал явдал өрнөх бөгөөд өгүүлж буй санаа нь тун өвөрмөц. Найруулагч, зохиолч бүр барьж авахгүй сэдвийг ойлгомжтой байдлаар үзэгчдэд харуулахыг зорьжээ. Фантастик продакшн киноны өгүүлэмж, сэдвээрээ бусад уран бүтээлчдээс ялгардаг билээ. Тэгвэл тэд шинэ уран бүтээлдээ үндэсний аюулгүй байдал, улс төр, эх орны тухай шинэ шинэлэг өнцгийг тусгажээ. Кино гэхэд бодит амьдрал шиг. Яг л бидний амьдрал, өнөөгийн нийгэмд болж буй, болсоор ч байх үйл явдлууд өрнөх нь тэр. Дүрүүдийн амнаас гарч буй үгс ганц хоёрхон үгэнд, ганцхан өгүүлбэрт киноны утга санаа агуулагдаж байв. Тэгвэл "Зура-2" киноны шинэ адал явдал уншигч таны төсөөлөлтэй хэр
нийцэх бол?


-Сонирхол татахуйц дүр сонголт

Дүр сонголтын тухайд шинэхэн гавьяат Ш.Доржсүрэн, СТА С.Ариунбямба, Г.Баярхүү, Х.Отгонтунгалаг нарыг урьж тоглуулжээ. Мөн Гавьяат жүжигчин С.Болд-Эрдэнэ, СТА Ж.Алтаншагай, Б.Барслхагва, Б.Ганчулуун, Э.Одбаяр, Ц.Номин нар тоглосон. Зөвхөн Монголын уран бүтээлчид гэлтгүй Сингапур, Малайз, Хонг Конг, Казакстан зэрэг гадаадын туршлагатай уран бүтээлчдийн урьж тоглуулсан юм. Ялангуяа киноны эсрэг дүрүүдийг өндөр түвшинд бүтээсэн жүжигчид болох С.БолдЭрдэнэ, Б.Барслхагва, Малайзын жүжигчин Steve Yap нар бүх дүрүүд дотроос оргил нь байв.


Дүр бүтээх, дүрд тоглох хоёр ялгаатай хэмээн кино уран бүтээлчид ярьдаг. Тэгвэл уг
киноны дүрүүд өөр өөрсдийн дүрээ амилуулж, хүлээсэн үүргээ ягшитал биелүүлжээ.
Тийм ээ, тэд зүгээр нэг кинонд тоглоод өнгөрсөнгүй. Тэд дүрээ бүтээж, тухайн дүрээрээ
үзэгчдэд маш олон дуут дохиог үлдээж чаджээ.

Мөн үүний зэрэгцээ эерэг талын дүр болох С.Ариунбямба, Ж.Алтаншагай нар өөрсдийн үүргийг
өндөр гүйцэтгэлтэйгээр харуулж чаджээ. Яг энд киноны цөөн хэдэн эмэгтэй дүрийг дурдахгүй өнгөрч болохгүй нь. Тухайлбал, Фантастик продакшны залуу жүжигчин Ц.Номин Саруулын дүрийг бүтээжээ. Тэрбээр ТЕГ-ын алба хаагчдын ганц шигтгээ нь байв. Яг энэ кинонд энэ дүр, энэ дүрд энэ жүжигчин байх ёстой мэт зохицол. Үзэгдэл бүрд гараад байхгүй ч гарах бүртээ үзэгчдийг дэлгэцийн нэг өнцгөөс нөгөө
өнцөг рүү буюу өөр рүүгээ татахуйц...


-Сүүлийн үеийн техник технологи

Фантастик продакшны шинэхэн уран бүтээлийн зураг авалтын тухай бичихийн өмнө тоног
төхөөрөмжийг дурдах нь зүйтэй юм. Тэд шинэ шинэлэг бүхнийг эрэлхийлдэг хүмүүс. Тиймдээ ч
шинэ уран бүтээл бүртээ шинэлэг зүйлсийг агуулуулахын зэрэгцээ тоног төхөөрөмжийн хүчин
чадлыг ч мөн орхигдуулсангүй. Кино уран бүтээлч, зураглаачид амьд мэдэржийг үзэгчдэд
мэдрүүлэхийг зорьдог. Тийм ч учраас "Цурам ажиллагаа" уран сайхны киноны зураг авалтыг
ARRI камераар хийжээ.

Иймд Фантастик продакшны өмнөх уран бүтээлүүд төдийгүй Монголын кино урлагт урд
өмнө үзэгдэж байгаагүй камерын өнцөг шийдлүүд, уран зураг шиг байгалийн үзэгдлүүд зэрэг
нь нүд баясгам тансаг.


Киноны зураг авалтыг Монгол, БНХСУ, Тайланд улсад хийсэн бөгөөд ерөнхий зураглаачаар
Г.Гүеэнбаатар ажиллажээ. Тэрбээр Маш нууц, Байтаг богд, 37-р Точко, Зура 1 киноны ерөнхий
зураглаачаар ажилласан юм.


-Монголын кино урлагт нэг шат ахиулсан зураг авалт

Нүд баясгам, шар үс босгом, уулга алдуулам, суудлаасаа өндөлзүүлэм үзэгдэл зураглалууд
киноны турш үргэлжилнэ гэдгийг уншигч танд юуны өмнө хэлье. Тэр бүх үзэгдэл дундаас
тулааны хэсэг үзэгчид, кино шүүмжлэгчдийн хүлээлтийг хэдэн төө давав.

ARRI камер нь Герман улсын үйлдвэрлэгч ARRI группийн үйлдвэрлэсэн кино зурагавалтад ашигладаг камер юм . Уг камераар Hugo, Life of Pi, Gravity, Birdman, The

Revenant, 1917 зэрэг шилдэг кино уран бүтээлүүдэд ашигладаг. Тухайлбал, дээр дурдсан
кинонууд бүгд шилдэг зураглаачийн төрөлд Оскарын шагнал хүртсэн юм. Үүнд ARRI
камер чухал нөлөө үзүүлсэн.

Тулааны хэсгүүдийг Мулан, Шангчи зэрэг холливиудын кинонд ажилласан “Mongol stunt”
баг гүйцэтгэсэн бол гал буудалцаан, тэсэлгээний хэсгийг Казакстаны “Nomad stunts”
гүйцэтгэжээ. “Nomad stunts” нь Мулан, Марко Поло, Тобол зэрэг уран бүтээлүүдэд ажилласан
юм.
Мөн жүжигчдийн зэвсэгтэйгээ харьцаж буй байдал нь жинхэнэ тусгай хүчний алба хаагчид
гэлтэй.


-Чадварлаг найруулагчийн бүтээл

Кино зохиолчид, найруулагчид хувь хүнийхээ хувьд хэн болох, сэтгэлзүйн хувьд ямар зөрчил,
эмзэглэлийг агуулж явдаг хүн юм гэдгээс тухайн найруулагчийн бүтээлүүд төрдөг мэт. Тэгвэл
найруулагч Б.Тамирын хувьд эх орон, хайр, эр зориг, итгэл үнэмшил, шударга ёс түүнд
хамгийн ойр, яах аргагүй түүнийг хөглөж чаддаг сэдэв бололтой.

Зарим тулаантай киног харцаа буруулан байж үзсэн тохиолдол цөөнгүй бий. Харин Фантастик продакшны хамт олон үзэгчдийн нүдийг өвтгөхгүйгүйгээр тулааны хэсгүүдийг чадварлаг харуулжээ. Хуруулах харуулахдаа бодит байдалд ойртож, амьд мэдрэмжийг үзэгч танд мэдрүүлэхээр зэхжээ.

Тэрбээр хамгийн анх “Амингоо” богино хэмжээний киноны ерөнхий найруулагчаар
ажиллаж байв. Үүнээс хойш “Аз жаргалын шок”, “Миний ах атаман”, “Маш нууц”, “Зүрхний
хилэн”, “37-р Точка”, “Зура” зэрэг УСК-нуудын ерөнхий найруулагчаар ажилласан бөгөөд
“Шилдэг найруулагч”-ийн шагнал хэд хэдэн удаа хүртсэн билээ.

Дашрамд, Киноны төгсгөл үзэгч бүрт "Зура-3" гарна гэх сэдлийг өгөв. Марвелийн киноны
төгсгөлийг хүлээн байж үздэг бид Монгол киноны төгсгөлийн догдлол дүүрэн хүлээдэггүй. Энэ
ч утгаараа төгсгөлийг нь үзээгүй гарсан үзэгч энэ хэд хоногт цөөн байсангүй. Өөрөөр хэлбэл,
дэлхийн хэмжээний цувралуудтай дүйцэхүйц уялдаа холбоо байв. Энэ нь үзэгчдэд дараагийн
ангийг тэсэн ядан хүлээх, төсөөлөх боломжийг олгов.

Д.Батчулуун


3
angry
0
care
0
haha
0
liked
10
love
1
sad
0
wow

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.41.15
Өчигдөр
0
0
Hahahhaha mgl kino hezeech yavahguieee neg uzeh baitgua aaa jujigleh chadvar uneheer jul yahav 3 say hun dotor ool od yumdaaa chavaas
Хариулах
213.87.134.139
2022/09/24
0
0
Хамгийн сайн тавтай морилно уу секс болзоо сайт --- www.Hot24.pw
Хариулах
202.9.40.84
2022/09/23
1
0
Лаг лаг шүмжүүдийн өөдөөс ийм жул магтаал бичих гэж дээ
Хариулах
122.201.21.153
2022/09/23
0
0
Үзэхгүй ээ монгол кинонууд их муу болж байна. Цаг, мөнгөө дэмий үрэхийн гарз. Тэрний оронд нэг ч гэсэн мод тарь.
Хариулах
64.119.25.76
2022/09/23
0
0
Yu ch hihgu bjij shuumjlegchid be like-:/
Хариулах
Шинэ мэдээ
БГД-ийн 19,20-р хороог холбосон автозам төмөр замын гарам дээр тулаад гацжээ 6 цагийн өмнө
Түшиц ханыг засварлаж, нурах эрсдэлгүй болгожээ 6 цагийн өмнө
Г.Занданшатар: Судалгаагаар “Хүүхдийн мөнгө авмааргүй байна” гэсэн үр дүн гарсан, хүүхдийн мөнгийг зорилтот бүлэгт олгоно 7 цагийн өмнө
Нохой, муурыг хүүхдийн тоглоомын болон цэцэрлэгийн талбайд салхилуулахгүй байх хуулийн төсөл санаачлав 7 цагийн өмнө
Нүүрс, зэсийн баяжмалын экспорт өсжээ 8 цагийн өмнө
АИ-92 автобензиний 22 хоногийн хэвийн нөөцтэй байна 8 цагийн өмнө
Гадаад харилцааны сайд Б.Батцэцэг Япон улсын гадаад хэргийн сайд Ё.Хаяшитай уулзав 9 цагийн өмнө
ХНХЯ: Нэн ядуу 1500 өрхийн нэг гишүүнийг үсчнээр сургаж, ядуурлаас гаргана 10 цагийн өмнө
“Юнеско”-ын тайзнаа “Нүүдэлчдийн домог” тоглолт болов 10 цагийн өмнө
Хөрөнгийн биржийн олон нийтэд нээлттэй хувьцааг арванхоёрдугаар сард гаргана 10 цагийн өмнө
Гамшгаас хамгаалах бэлэн байдлын үзлэгийг зохион байгуулж байна 10 цагийн өмнө
Сүүлийн 10 хоногт ОХУ-ын 5001 иргэн хилээр нэвтэрчээ 11 цагийн өмнө
МБА: “Бэлтэс мөрөн” ХХК 2549 иргэнд 45.3 тэрбум төгрөгийн хохирол учруулсан 11 цагийн өмнө
Б.Баатархүү: ОХУ, МУ-ын иргэд архи уухад хамт байсан МУ-ын хоёр иргэнийг хамт шалгаж байна 11 цагийн өмнө
"CEO RADAR" арга хэмжээнд хүрэлцэн ирэхийг урьж байна 11 цагийн өмнө
“Бэлтэс мөрөн”-гийн хохирогчид, УИХ-ын даргад шаардлага хүргэж, АТГ-т хандана 11 цагийн өмнө
АТГ-аас “Багануур” ХК-ийн албан тушаалтнуудын хахууль авдаг гэх хэргийг шүүхэд шилжүүлэх санал хүргүүлжээ 12 цагийн өмнө
ЦЕГ: Монгол залуугийн биед халдсан ОХУ-ын иргэнийг цагдан хорьсон 12 цагийн өмнө
Гал сөнөөгчид "Дэлхийн аварга шалгаруулах тэмцээн"-д оролцохоор Узбeкстан улсыг зорилоо 13 цагийн өмнө
Б.Солонгоо: ОХУ-ын иргэд виз мэдүүлээд хуулийн хүрээнд манай улсад зорчих, түр байрлах эрхтэй 13 цагийн өмнө