"Тэмүүжин өрлөг" сургуулийн захирал Д.Бат-Эрдэнэ, 84-р сургуулийн захирал С.Лхагвадулам нарыг ЭЦА-наас шалгаж байна

Боловсрол шинжлэх ухааны яам, Цагдаагийн байгууллагатай хамтран зарим сургуулийн захирлын албан өрөө болон гэрт үзлэг, шалгалт хийжээ. Уг шалгалтаар Нийслэлийн ерөнхий боловсролын 84 дүгээр сургуулийн захирал С.Лхагвадуламын гэрээс их хэмжээний мөнгө, валют илрүүлсэн байна.

Харин Үндэсний батлан хамгаалах их сургуулийн харъяа “Тэмүүжин өрлөг” ЕБС-ийн захирал хурандаа Д.Бат-Эрдэнийн ажлын өрөөнөөс их хэмжээний мөнгө, валютыг илрүүлж тус тус хураан авчээ. 

Өнөөдрийн байдлаар тэднийг ШШГЕГ-ын харъяа хорих 461 дүгээр ангид саатуулаад байгаа бөгөөд уг хэргийг Эрүүгийн цагдаагийн алба шалгаж байна.

Бид уг асуудалтай холбогдуулан дэлгэрэнгүй мэдээллийг үргэлжлүүлэн хүргэх болно.