Монгол Улсын охид, эмэгтэйчүүдтэй бэлгийн харьцаанд орж хүн худалдаалах гэмт хэрэг үйлдсэн байж болзошгүй Сингапур улсын иргэнийг Баянгол дүүрэгт үйл ажиллагаа явуулдаг нэр бүхий зочид буудлаас өчигдөр /2022.09.29/ дайчлан баривчилж, мөрдөн шалгах ажиллагаа явуулж эхэллээ.
Сингапур иргэний бэлгийн хүчирхийллийн хохирогчид нь 29-40 насны эмэгтэйчүүд байжээ.
Тодруулбал 64 настай Сингапур Улсын иргэн нь 2013 оноос эхлэн Монгол, Сингапурын хооронд аялал жуулчлалын визээр зорчдог байжээ. Монголд байх хугацаандаа эмэгтэйчүүдийг зуучлуулж танилцан, бэлгийн хүчирхийлэлд оруулах, хувь хүний нууцтай холбоотой дүрс бичлэг, гэрэл зургийг нь авч, хувь хохирогчдыг айлган сүрдүүлдэг, гадаад улсын иргэнтэй үгсэн тохиролцож, бэлгийн харьцаанд орсон охид, эмэгтэйчүүдийн биеийг нь үнэлүүлэх, бэлгийн мөлжлөгийн хохирогч болгон хүн худалдаалах гэмт хэрэг үйлдсэн байж байж болзошгүй нөхцөл байдал тогтоогдсон байна.
Одоогоор 130 гаруй охид, эмэгтэйчүүдтэй фэйсбүүк, инстаграммаар харилцаж, гадаад улс руу зохион байгуулалттайгаар, хил дамнуулан таван эмэгтэйг худалдаалсан байж болзошгүй нөхцөл урьдчилсан байдлаар тогтоосон байна.
Сэтгэгдэл (0)
Сэтгэгдэл бичигдээгүй байна