Яруу найрагч, зохиолч Л.Өлзийтөгсийн зохиол, УДЭТ-ын ерөнхий найруулагч, Төрийн соёрхолт, УГЗ Н.Наранбаатарын найруулсан "Бүсгүйн зурвас" уянгын драмын жүжиг энэ сарын 07, 08, 09-ны өдрүүдэд тоглогдоно.
Жүжгийн гол дүрд МУГЖ Б.Жаргалсайхан, Ж.Урнаа, залуу жүжигчин Б.Золзаяа нар тоглох юм. Энэхүү жүжигт хүний мөн чанар, ёс зүй, үнэ цэн, хайр сэтгэл, итгэл үнэмшил хийгээд өнөө цагийн нийгмийн хүрээнд ил далд оршин байх олон асуудлыг хөндөн өгүүлнэ. Нэр төртэй төрийн түшээ, сайдтай хөрөг ярилцлага хийхээр тохирсон сэтгүүлч бүсгүй Итгэл сайдын гэрт очиж буйгаар жүжиг эхэлнэ. Жүжиг мэт амьдралд амьдарч буй мэт жүжиглэсээр орших “Нууц” нь, “Үнэн нь” хаана байсныг үзэгч та бүхэн өрнөл хэсгээс тольдоорой.
Сэтгэгдэл (0)
Сэтгэгдэл бичигдээгүй байна