Д.Ганпүрэв: Эртний морин хуур минь хүний нутагт дуудлага худалдаагаар зарагдах гэж байгааг дуулаад харамсах сэтгэл төрсөн

Соёл судлаач Д.Ганпүрэв олон жилийн өмнө харь орон руу зарагдаад, дахин зарагдах гэж байсан 18,19-р зууны үеийн Морин хуураа Герман улсаас олж, эх оронд нь буцаан авч ирээд байгаа юм. Эртний өвөө хайрлаж, хамгаалдаггүй, үнэ цэнийг нь мэдэхгүй , хяналтгүй хилээр гаргаж бид “өв”-өө гадны улс руу гаргаад дууслаа хэмээн харамсан ярина. Д.Ганпүрэвийн Голланд шавь Голландын дэлгүүрт зарагдах гэж байсан Монгол морин хуурыг олж хараад Д.Ганпүрэвт хэлснээр морин хуур эх орондоо ирэх эхлэл тавигдсан. Голланд шавь нь ч Монголын морин хуурыг нутаг буцаах гэж ихэд сэтгэл гаргажээ.

Хэдийгээр Ганпүрэвийн Голланд шавь олон удаа дэлгүүрээс гуйсны эцэст 800 еврогоор худалдан авсан ч “Монголын өв” гээд ямар ч үнэ төлбөргүй хүлээлгэн өгчээ. Түүний хувьд үнэ цэнэ бол өв соёл минь гэж ярив. Эртний үед хамаарагдах морин хуураа тэрбээр судлах бөгөөд олон 18,19 зууны үеийн олон мэдээллүүд морин хуурт хадгалагдсан талаар хуучиллаа.

Бичлэгээр үзэх: