Б.Мөнхтогоо: ШШҮХ-ийн эмч нар амьд байгаа хүүг маань “талийгаач” гэж бичээд буруу дүгнэлт гаргасан

2019 онд Баянхонгор аймгийн нэгдсэн эмнэлэгт долоон настай хүү олгой авхуулах хагалгаанд оржээ. Унтуулгын эмч нь нугас руу нь мэдээ алдуулах тариа хийтэл үйлчлээгүй уйлсан учраас дахин судас руу нь хийсэн гэдгийг хүүгийн аав Б.Мөнхтогоо хэлж байгаа юм.

  Хүү 11 хоног Баянхонгор аймгийн эмнэлэгт ухаангүй байдалтай байсан учраас аав, ээж нь Баянхонгор луу Говь-Алтайн онгоцыг гуйж хүүгээ Эх нялхаст авчирч нялхаст 10 гаруй хоног эмчлүүлж, ухаан орсон байна. Харамсалтай нь хүүгийн унтуулгын тариа  хэтэрснээс болж дөрвөн мөчний саажилттай болжээ. 

Мөн ШШҮХ-ийн эмч нар амьд байгаа хүүг "талийгаач М.Эрхэмбаярын үрэвссэн олгойг авсан нь зөв" гэх дүгнэлт гаргасан бөгөөд мэргэжлийн долоон байгууллагын дүгнэлтээр хүүгийн олгойг үрэвсээгүй, хэвийн гэж гаргажээ. ШШҮХ-ийн дүгнэлт үрэвссэн гэж зөрсөн учир 2019 оноос хойш хүүгийн шүүх хурал таван удаа хойшлогдож одоо хүртэл шүүх хуралдаан болоогүй байгаа юм.

Хүүгийн аав ээж нь малчин учраас дөрөвдүгээр курсын оюутан хүүхдээ сургуулиас нь гаргаж асруулдаг талаар ярьж байлаа.

Бичлэгээр үзэх: