Ноцтой осол гаргасан М-тай хамт явсан найз залуу Б нь дөрвөн удаа эрхээ хасуулж, жолоо барих үнэмлэхгүй байжээ

Энэ сарын 10-нд БЗД-ийн "Олимп" хотхоны арын замд "Ланд-200" маркийн автомашин урсгал сөрөн 7 машин мөргөж, 12 настай хоёр охиныг мөргөж, дайрч гэмтээсэн ноцтой осол гарсан. Тухайн үед жолоо барьж явсан эмэгтэй жолооны үнэмлэхгүй, нөхрийнхөө машиныг барьж явсан талаар ТЦА-наас мэдээллээд байгаа бөгөөд уг хэргийг цагдаагийн байгууллагаас шалгаж байгаа юм. Тэгвэл тухайн үед согтуу гэх шалтгаанаар жолоодох эрхгүй найз охиноороо машин бариулж хоёр охины эрүүл мэндэд ноцтой хохирол учруулж, 7 иргэний машиныг мөргөж эд хөрөнгөд нь хохирол учруулсан М-ийн найз залуу мөн өөрөө жолооны үнэмлэхгүй, дөрвөн удаа эрхээ хасуулж байжээ.

Тодруулбал, ноцтой осол гаргасан  Landcruiser маркийн 72-20 УБХ улсын дугаартай тээврийн хэрэгслийг жолоодож явсан Ч.Маралмаагийн хамтран амьдрагч Гончигийн Батсүх нь 2014.05.24-ний өдөр Хан-уул дүүрэгт, 2016.01.23-ны өдөр Чингэлтэй дүүрэгт, 2017.01.27-ны өдөр Хан-уул дүүрэгт, 2022.03.15-ны өдөр Баянзүрх дүүрэгт тус тус согтууруулах ундааны зүйл хэрэглэсэн үедээ тээврийн хэрэгсэл жолоодож эрхээ хасуулсан байжээ.