Үл мэдэгдэх хийнд хордсон 40 гаруй сурагч, ажилтан эмчилгээ хийлгэж байна

Дархан-Уул аймгийн Оюуны Ирээдүй  цогцолбор сургуулийн "А" байрны цайны газарт үл мэдэгдэх хортой хийнд сурагчид, сургуулийн багш ажилтнууд хордсон байж болзошгүй байна.

Багш, сурагчдыг эмнэлэгт хүргэгдээд байгаа бөгөөд Дархан-Уул аймгийн нэгдсэн эмнэлэгт  40 гаруй сурагч, ажилтнуудад эмнэлгийн яаралтай тусламж үзүүлэн ажиллаж байгаа аж. Сургуулийн сургалтын үйл ажиллагааг зогсоож, мэргэжлийн байгууллагууд ямар бодис цацагдсаныг тодруулахаар ажиллаж байгаа аж. Эмнэлэгт очсон сурагчид болон багш ажилтнуудад хордлого тайлах эмчилгээ хийж байгаа талаар Дархан-Уул аймгийн DBS телевизээс шууд дамжуулалтаар мэдээллээ.