ЭМЯ: Үл мэдэгдэх хийнд 58 хүүхэд, зургаан том хүн хордож, эмнэлэгт хүргэгдсэн

Дархан-Уул аймгийн Оюуны Ирээдүй  цогцолбор сургуулийн "А" байрны цайны газарт үл мэдэгдэх хортой хийнд сурагчид, сургуулийн багш ажилтнууд хордсон байж болзошгүй байна.

ЭМЯ-наас бидэнд өгсөн мэдээллээр хордсон байж болзошгүй багш, сурагчдыг Дархан-Уул аймгийн нэгдсэн эмнэлэгт хүргэж, яаралтай тусламж үзүүлэн ажиллаж байгаа аж. Сургуулийн сургалтын үйл ажиллагааг зогсоож, мэргэжлийн байгууллагууд ямар бодис цацагдсаныг аймгийн ОБГ-аас тодруулахаар ажиллаж байгаа юм байна. Эмнэлэгт очсон сурагчид болон багш ажилтнуудад хордлого тайлах эмчилгээ хийж байгаа бөгөөд 58 хүүхэд зургаан том хүн эмнэлэгт хүргэгджээ. Хоёр иргэний биеийн байдал анх эмнэлэгт хүргэгдэхэд тааруу байсан бол эмнэлгийн анхан шатны тусламж авч тогтворжиж эхэлсэн гэх мэдээллийг ЭМЯ-наас мэдээллээ. Хүүхдүүдийн  биеийн байдал тогтвортой байгаа аж.

Эмнэлэгт хүргэгдсэн хүмүүсийн ихэнхи нь хоолой хорсох, толгой өвдөх зовиуртай байгаа юм.