Т.Буянжаргал: Хүүхдүүдийг багаас нь хоол хийлгээд сургачихвал ирээдүйд эрүүл мэндэд нь ч тустай

Түүнийг Т.Буянжаргал гэдэг. Өдөр өнжүүлэх нэг айлд юм уу, подвольд үйл ажиллагаа явуулдаг гэх тиймхэн жишгийг эвдэж, өдөр өнжүүлэх төвийг анх удаа стандарттай, төрд харьяалалттай болгосон юм. Түүний ажиллуулдаг “Инжирийн мод” өдөр өнжүүлэх төвд хүүхдүүд бууз, банш хийх, төмс ногоо арилгаж, хэрчих, гурил зуурч элдэх, өндөг шарах гээд олон ажлуудыг хийж сурч байна. Хүүхдүүд багаасаа хоолоо бэлдэж, хийгээд сурчихвал ирээдүйд бэлэн юм авч идэж эрүүл мэндээ хордуулахгүй хэмээн тэрбээр ярина. Эртэч хүмүүст зориулж өглөө 06:00 цагт нээдэг дэлгүүр хүртэл ажиллуулж олон дэлгүүрт нөлөөллөө үзүүлж байжээ. Мөн хүүхдээ аваад амралтад явахаар хажууд нь хүмүүс архидан согтуурдаг учир судалж, хичээсээр эх, хүүхдийн сувилал ч нээжээ.