П.Мөнхжаргал охин "Little Miss & Mister” тэмцээний супер модель боллоо

Олон улсын хүүхдийн загварын их наадам "Little Miss & Mister”- 2022 энэ жил 16 дахь жилдээ амжилттай болж өндөрлөлөө. Арабын Нэгдсэн Эмират улсын Дубай хотноо энэ сарын 25-30 -ны өдрүүдэд болсон уг тэмцээнд дэлхийн 48 орны хүүхдүүд оролцсон бөгөөд манай улсаас долоон хүүхэд оролцжээ.

Тэдний нэг бол Архангай аймгийн гуравдугаар сургуулийн сурагч Пүрэвхүүгийн Мөнхжаргал юм.

П.Мөнхжаргал охин олон улсын "Шилдэг модель" болох, мөн үзэсгэлэнт Монгол орноо дэлхийд сурталчлах мөрөөдөлтэй бөгөөд дэлхийд данслагдах топуудыг бэлтгэдэг “Охидын мисс” төвийн суралцагч юм. Тэрээр өөрийн мөрөөдлийг биелүүлж, үеийн найзууддаа урам зориг, итгэл найдвар бэлэглэхээр тэмцээндээ амжилттай оролцож "SUPER MODEL" шагнал хүртэн ганзага дүүрэн эх орондоо ирсэн билээ.
П.Мөнхжаргал охин өнгөрсөн амралтын өдрүүдээр болсон. "Shining stars-2022" kids model awards” хүүхдийн урлаг, загварын тэмцээний "Фото мисс"-ээр шалгарч хос шагналын эзэн боллоо.

“Долоо хоног бүрийн амралтын өдрөөр 500 гаруй км -ийн цаанаас ирж загварын дамжаагаа таслахгүй хичээсний үр дүн гарлаа” гэж түүний ээж А.Отгонтөгс ярьсан юм. Малчны хотноос дэлхийн загварын тайзыг чимсэн супер модель охин Пүрэвхүүгийн Мөнхжаргалдаа улам өндөр амжилтыг ерөөе.