ХӨСҮТ: Тандалтын баг ажиллаж байгаа учраас эцсийн дүн гарах болоогүй

Өнгөрсөн шөнө Налайх дүүрэгт 15-16 насны 19 хүүхэд  хордсон байдалтай эмнэлэгт хүргэгджээ. Тодруулбал Налайх дүүргийн Голомт сургуулийн нэг ангийн 19 хүүхэд шалтгаан нь тодорхойгүй хордлогод өртөн эмчлүүлж байгаа бөгөөд одоогоор хүнд хүүхдүүдийн биеийн байдал тогтворжсон байна.  Мэргэжлийн байгууллагууд шалтгааныг тодруулахаар шуурхай ажиллаж байна.

ХӨСҮТ-ийн дарга Ц.Билэгтсайхан Налайх дүүрэгт хордсон хүүхдүүдийн талаар дараах мэдээллийг өглөө.

Тэрээр “Налайх дүүрэгт нэг сургуулийн 19 хүүхдээс хоолны хордлого байж болох шинжүүд илэрсэн талаарх мэдээлэл ирсэн. Үүний дагуу ХӨСҮТ-ийн тандалтын нэгж ажиллаж байна. Налайх дүүрэгт, ЭХЭМҮТ-д яаралтай тусламжийн тасагт ирж эмнэлгийн тусламж үйлчилгээ авсан. Тандалтын баг ажиллаж байгаа учраас эцсийн дүн гарах болоогүй. Хэрэв хоолны хордлого мөн бол үүсгэгчийг тодорхойлох лаборатори,шинжилгээ хийгдэнэ” гэлээ.