Өнгөрсөн долоо хоногт коронавируст халдварын улмаас нас баралт бүртгэгджээ

Коронавирусийн нөхцөл байдал, томуу, томуу төст өвчний эмнэлзүйн онцлог, хүндрэл, эрэмбэлэлт, эмнэлэг болон гэрт үзүүлэх тусламжийн ялгааны талаар ХӨСҮТ-өөс мэдээлэл хийлээ. 

 Манай улсын хувьд энэ долоо хоногт 1192 шинэ тохиолдол бүртгэгдсэн. PCR-аар эерэг илрэх хувь 5-5,9 болж нэмэгдсэн байна. Сүүлийн хоёр долоо хоногт шинэ хувилбар болох  BQ1.2 хувилбар 30 хувь,  BF7 хувилбар найман хувь болтлоо өссөн байна.

Өнөөдрийн байдлаар байдлаар ХӨСҮТ-д коронавируст халдварын улмаас 342 хүн хэвтэн эмчлүүлж байна. Эдгээрээс 6 хүн нь эрчимт эмчилгээний тасагт 51 нь биеийн байдал хүнд ангилалтайгаар эмчлэгдэж байна. Мөн 50 хүүхэд эмчлүүлж байна. Өнгөрсөн долоо хоногт коронавируст халдварын  улмаас нас баралт бүртгэгдсэн талаар ХӨСҮТ-ээс мэдээллээ. 

Эмнэл зүйд:  

-Хоолой өвдөх

-Хоолой сэрвэгнэх

-Ханиалгах

-Бага зэрэг халуурах

-Ядарч сульдах гэсэн эмнэлзүйн шинж тэмдэг нийтлэг ажиглагдаж байна.