Нүүрсний уурхайнуудад шаардлагатай дизель түлшний нөөцийг яаралтай бүрдүүлэхийг үүрэг болголоо

О.Шүрэнцэцэг
2022/11/22

Аймаг, нийслэл, орон нутгийн удирдлагууд оролцсон Улсын онцгой комиссын өргөтгөсөн V хуралдаанаар эрүүл мэндийн салбарын бэлэн байдал, хүнс, хөдөө аж ахуй, эрчим хүчний салбарын өвөлжилтийн бэлтгэл болон мал, амьтны гоц халдварт өвчнөөс сэргийлэх талаар авч хэрэгжүүлж буй арга хэмжээг  хэлэлцлээ. Эрчим хүчний салбарын өвөлжилтийн бэлтгэл ажил энэ сарын 15-ны байдлаар 92.4 хувьтай үргэлжилж байгаа талаар Эрчим хүчний сайд Б.Чойжилсүрэн мэдээллээ. Тус салбарт 2022-2023 оны өвөлжилтийн бэлтгэл хангахад үндсэн болон туслах тоноглолын их засварт 1186 нэр төрлийн ажил төлөвлөснөөс 95.5%-ийн гүйцэтгэлтэй байгаа аж.

Түүнчлэн шахмал түлшний нөөц энэ сарын 15-ны байдлаар баруун бүсийн үйлдвэрт найм, зүүн бүсийн үйлдвэрт дөрвөн шугамаар хоногт 2,000-2,200 тонн түлш үйлдвэрлэж, нийт 106 мянган тонныг нөөцөлжээ. Дизель түлшний нийлүүлэлт буурснаас “Багануур” ХК 3 хоногийн, “Шивээ овоо” ХК 11 хоногийн нөөцтэй байгаа тул УОК-ын дарга, Шадар сайд С.Амарсайхан дизель түлшний нөөцийг яаралтай бүрдүүлж, нийлүүлэлтийг тогтвортой хэмжээнд байлгахыг Уул уурхай, хүнд үйлдвэрийн сайд Ж.Ганбаатарт үүрэг болголоо.

Мал аж ахуйн өвөлжилтийн бэлтгэлийн хувьд малчид 1.1 сая тонн өвс, хадлан буюу нийт бэлтгэвэл зохих өвсний 94.0 хувийг бэлтгэсэн байгаа талаар ХХААХҮ-ийн сайд Х.Болорчулуун танилцуулав. Гол эрсдэл нь энэ жил улсын хэмжээнд нийт 71.2 сая толгой мал өвөлжиж, хаваржих тооцоолол гарсан нь өвөл, хаврын бэлчээрийн даац нийт малын 40 хувьд л хүрэлцэхээр байгаа аж. Өвөлжилт, хаваржилт хүндрэх эрсдэлтэй учраас махны экспортыг нэмэгдүүлж малчид, ААН, байгууллагуудыг дэмжиж ажиллах шаардлагатай байгааг аймгийн Засаг дарга нар энэ үеэр хэлж байлаа. Энэ асуудалд салбарын яамнаас онцгойлон анхаарч, үхрийн махнаас бусад экспортын махны квотыг цуцалж, махны экспортыг бүх талаар дэмжин ажиллаж байгааг хэллээ.

УОК-ын дарга, Монгол Улсын Шадар сайд С.Амарсайхан “Гангийн эрсдэлийн ерөнхий үнэлгээний дүнгээс харахад Ховд аймаг “Маш их”, Өмнөговь, Баянхонгор, Дорноговь, Дундговь, Өвөрхангай, Завхан аймгууд “Их”, Архангай, Говь-Алтай, Увс аймгууд “Дунд” эрсдэлтэй дүгнэгдсэн байна. Үнэлгээгээр эрсдэлтэй дүгнэгдсэн, өвөлжилт хүндрэх нь нэгэнт тодорхой зарим аймгуудаас судалгаа авч үзэхэд 2022 оны 11 дүгээр сард Засаг даргын нөөц хөрөнгийн үлдэгдэлгүй болсон байна. Энэ нь аймаг орон нутагт эрсдэлд суурилсан гамшгаас хамгаалах, менежмент муу байгааг илтгэн харуулж байна” хэмээгээд хурлын төгсгөлд 21 аймгийн удирдлага болон Эрүүл мэнд, Эрчим хүч, ХХААХҮ-ийн сайд нарт дараах үүрэг, чиглэлийг өглөө.

Коронавируст халдварын мутацилагдсан шинэ хувилбаруудын талаарх судалгаа, шинжилгээний ажлыг эрчимжүүлэх, шаардлагатай эм, эмнэлгийн хэрэгслийн нөөцийг шуурхай бүрдүүлэх, халдвараар өвчилж, эдгэрсэн иргэдэд сэргээн засах, тусламж үйлчилгээ үзүүлэх ажлыг тогтмол зохион байгуулж, хэрэгжилтийг хангаж ажиллах;

2022-2023 оны өвөлжилт, хаваржилт хүндрэх эрсдэлтэй аймгуудад өвс, тэжээл нэмэлтээр худалдан авах, иргэдэд төрийн үйлчилгээг шуурхай хүргэхэд шаардлагатай нэмэлт санхүүжилтийг Засгийн газрын нөөц сангаас олгох асуудлыг Засгийн газрын хуралдаанаар хэлэлцүүлж шийдвэрлүүүлэх; 

Малчид, мал бүхий айл өрхүүд өвөлжөөндөө буусан, малын шилжилт хөдөлгөөн бүрэн зогссон 2023 оны 1-3 дугаар сард малын гоц халдварт өвчний тандалт, эмнэлзүйн үзлэгийг Мал эмнэлгийн ерөнхий газраас хийх тул орон нутгийн түвшинд бэлтгэл ажлыг хангах, хүний нөөц, санхүүжилтийг шийдвэрлэх;

Эрчим хүчний үйлдвэр, компаниуд болон нүүрсний уурхайнуудад өвлийн их ачааллын үед шаардагдах дизель түлшний нийлүүлэлтийг тогтвортой хэмжээнд байлгахыг даалгалаа.


2
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
213.87.148.201
2022/11/23
0
0
Халуун охид таныг хүлээж байна -- www.Top24.pw
Хариулах
202.179.27.180
2022/11/22
1
0
МАНин нүүрсний хулгайчуудаасаа аваач псдаа, 20 30 их наядаар нь хулгайлчаад ганц өвөл түлшийг нь даачхад яадаг юм
Хариулах
Шинэ мэдээ
Зургаадугаар сард ихэнх нутгаар бороотой байх төлөвтэй байна 8 цагийн өмнө
Б.Соёл: Уурхайгаа булаалгасан дөрвөн жилийн хугацаанд нэг минь амь насаа алдсан, эцэст нь үнэн ялж бид уурхайгаа буцаан авлаа 12 цагийн өмнө
Пауэрлиптингийн тамирчин Ц.Баярхүү дэлхийн аварга боллоо 12 цагийн өмнө
11 дүгээр сургуулийн сурагч Л.Дөлгөөн Азийн физикийн олимпиадаас хүрэл медаль хүртэв 14 цагийн өмнө
Малдаа яваад алга болсон 13 настай хүү эсэн мэнд гэртээ иржээ 15 цагийн өмнө
Ихэнх нутгаар дулаарна 16 цагийн өмнө
Л.Оюун-Эрдэнэ: Шивээхүрэн-Сэхэ боомтыг холбох нь баруун босоо тэнхлэгийн төмөр замын эхлэл болж байна Өчигдөр
Танилц: ИНЕГ-ын зардлаар суралцсан ч гэрээний үүргээ биелүүлээгүй 11 ХҮН Өчигдөр
ОБЕГ: Гал түймрийг бүрэн унтраалаа Өчигдөр
“Оюутан цэрэг” хөтөлбөрт анх удаа 1500 оюутан хамрагдаж байна Өчигдөр
С.Амарсайхан: 100 суманд тус бүр 100 га газар сонгон, нутгийн сортын бэлчээр тэжээлийн ургамал тарималжуулна Өчигдөр
Сэтгүүлчид: Боловсролын зээлийн сангийн асуудалд Засгийн газар дорвитой алхам хийх ёстой Өчигдөр
Зургаан настай А.Оюунтөгс: Бие биетэйгээ сайхан харилцаж, эв найртай байхыг хайр гэдэг Өчигдөр
Омикроны дэд хувилбар ахмадууд хүндээр тусаж байна Өчигдөр
Баруун болон төвийн аймгуудын нутгаар хур тунадас орж, сэрүүвтэр байна Өчигдөр
Д.Гарди: Надад хууль зөрчсөн үйлдэл байхгүй, айдас алга 2023/05/26
Ц.Магалжав: Э.Оюунболдоос допинг илэрсэн, олон түмэн бөхөө дэмжихдээ өөгшүүлмээргүй байна 2023/05/26
​Ерөнхийлөгч У.Хүрэлсүхийн дүү У.Отгонбаяр 32 мянган ам.долларын зээлээ төлжээ 2023/05/26
Залилан хийсэн иргэн: Байр түрээслэх, машин авах гэж байгаа хүмүүсээс урьдчилгаа авч залилдаг байсан 2023/05/26
УИХ-ын гишүүн Б.Энхбаяр БЗС-гийн мэдээлэл нийтэд ил болмогц зээлээ төлжээ 2023/05/26