Л.Энх-Амгалан: БНХАУ-ын топ сургуулиудад монгол оюутнуудыг сургаж, шаардлагатай хүний нөөцийг бэлдэнэ

Монгол Улсын Ерөнхийлөгчийн БНХАУ-д хийж байгаа айлчлалын бүрэлдэхүүнд Боловсрол, шинжлэх ухааны сайд Л.Энх-Амгалан ажиллаж байна. Улаанбаатар хотод гурван ээлжинд шилжих эрсдэлтэй байсан долоон сургуулийг БНХАУ-ын буцалтгүй тусламжаар шинэ байртай болгосон. Энэ бүтээн байгуулалтыг хүлээлцэх актад айлчлалын үеэр гарын үсэг зурлаа.

Мөн цаашид хүмүүнлэг боловсролын чиглэлээр хамтран ажиллах талаар санал солилцсон байна. “Ерөнхийлөгчийн илгээлт 2100” хөтөлбөрийн хүрээнд дэлхийд данстай Хятадын сургуулиудад оюутан сургах, “Шинэ сэргэлтийн бодлого”-ыг хэрэгжүүлэхэд шаардлагатай инженер, техникийн ажилтнуудыг тус улстай хамтран бэлтгэх талаар ч ажил хэрэгч яриа дээд хэмжээний уулзалтын үеэр өрнөсөн байна.