АЙЛЧЛАЛ: Ерөнхийлөгч У.Хүрэлсүх Япон Улсын Ерөнхий сайд Ф.Кишида-тай албан ёсны хэлэлцээ хийв 

О.Шүрэнцэцэг
2022/11/29

Монгол Улсын Ерөнхийлөгч Ухнаагийн Хүрэлсүх Япон Улсын Засгийн газрын урилгаар тус улсад хийж буй төрийн айлчлалын хүрээнд Япон Улсын Ерөнхий сайд Ф.Кишида-тай 2022 оны 11 дүгээр сарын 29-ний өдөр Ерөнхий сайдын өргөөнд албан ёсны хэлэлцээ хийв.

Албан ёсны хэлэлцээ элэгсэг дотно, найрсаг уур амьсгалд болж, талууд Монгол, Японы хооронд дипломат харилцаа тогтоосноос хойших 50 жилийн хамтын ажиллагааг дүгнэж, цаашдын зорилт, хэтийн төлөвийн талаар болон олон улс, бүс нутгийн тавцан дахь хамтын ажиллагааны талаар санал солилцов.

Монгол Улсын Ерөнхийлөгч Ухнаагийн Хүрэлсүх Япон Улсын Засгийн газар Монгол Улсын ардчилал, шинэчлэл, тогтвортой хөгжлийг тууштай дэмжиж ирсэнд талархал илэрхийлж, ардчилал, хүний эрх, эрх чөлөө, зах зээлийн эдийн засаг зэрэг нийтлэг үнэт зүйлс бүхий “гуравдагч хөрш” Япон Улстай харилцаа, хамтын ажиллагааг бүхий л талаар өргөжүүлэн хөгжүүлэхийн төлөө байгаагаа нотлов.

Ерөнхий сайд Ф.Кишида Япон Улс, Монгол Улсын хооронд дипломат харилцаа тогтоосны 50 жилийн ойн хүрээнд Монгол Улсын Ерөнхийлөгч Япон Улсад төрийн айлчлал хийж буйд баяртай байгаагаа илэрхийлэв. Тэрбээр хоёр улсын харилцааны ололт, амжилтыг бататгаж, итгэмжилсэн харилцааг улам гүнзгийрүүлж, бүс нутаг, олон улсын талбар дахь хамтын ажиллагааг бэхжүүлэхэд хоёр тал нягт хамтран ажиллаж ирсэнд сэтгэл хангалуун байгаагаа илэрхийлээд, Монгол Улсын тогтвортой хөгжлийг Япон Улс цаашид ч тууштай дэмжихээ нотлов.

Албан ёсны хэлэлцээний үр дүнд талууд Монгол, Японы Стратегийн түншлэлийн харилцааны түвшинг ахиулан “Монгол Улс, Япон Улсын энх тайван, хөгжил цэцэглэлтийн төлөөх Тусгай стратегийн түншлэл”-ийн зарчимд тулгуурлан  хөгжүүлэхээр тогтов. Мөн цаашид эрх чөлөө, ардчилал, хүний эрх, зах зээлийн эдийн засаг зэрэг нийтлэг үнэт зүйлсдээ тулгуурлан бүхий л салбарын “хүн төвтэй” харилцаа, хамтын ажиллагааг бэхжүүлэхийн сацуу дэлхий нийтийн өмнө тулгамдаж буй асуудлуудыг шийдвэрлэхэд хамтдаа хувь нэмэр оруулж, нягт хамтран ажиллахаар болов.

Талууд хоёр улсын харилцаа, хамтын ажиллагааны замын зураглал болж ирсэн Монгол, Японы Стратегийн түншлэлийн Дунд хугацааны хөтөлбөрийг шинэчлэн Монгол, Японы “Энх тайван, хөгжил цэцэглэлтийн төлөөх Тусгай стратегийн түншлэл”-ийн 10 жилийн Үйл ажиллагааны хөтөлбөрийг байгуулж, Улс төр, аюулгүй байдал, Эдийн засаг, худалдаа, хөрөнгө оруулалтын хамтын ажиллагаа,  “Хүн төвтэй” хөгжил, иргэд хоорондын харилцан солилцоо, Дэлхий нийтийг хамарсан нийтлэг асуудлаарх хамтын ажиллагаа зэрэг дөрвөн үндсэн чиглэлд хамтын ажиллагааг гүнзгийрүүлэн хөгжүүлэхээр тохиролцов.

Япон Улс нь Монгол Улс ардчилал, зах зээлийн эдийн засагт шилжсэнээс хойш эдийн засаг, хөрөнгө оруулалтын салбар дахь үйл ажиллагааг тууштай дэмжиж ирсэн тэргүүний хандивлагч улс гэдгийг онцолж, энэ удаагийн айлчлалын үеэр Япон Улсын Засгийн газрын буцалтгүй тусламжаар Дарханы дэд станцад бага чадлын баттерейн цэнэг хураагуур суурилуулах, “Монгол Улсын эрчим хүчний хангамжийг сайжруулах төсөл”-ийг хэрэгжүүлэхээр тохирч, хоёр улсын Засгийн газар хооронд солилцох ноот бичигт гарын үсэг зурж байгааг талууд сайшаан тэмдэглэв.

Монгол Улсын эдийн засгийг төрөлжүүлэн хөгжүүлэх, дотоодын үйлдвэрлэл, түүний дотор хөдөө аж ахуйн үйлдвэрлэлийг өсгөн нэмэгдүүлэх, хүнсний аюулгүй байдлыг хангах, Япон Улсаас хөрөнгө оруулалт татах зорилгоор хууль эрх зүйн болон бизнесийн орчныг сайжруулах чиглэлээр хоёр тал нягт хамтран ажиллахаар санал нэгдэв.

Монгол Улсын эдийн засгийн тэргүүлэх чиглэлд Япон Улсын хөрөнгө оруулалт, техник технологи, ноу-хауг Монголд нэвтрүүлэх, Хөшигийн хөндийн бүтээн байгуулалт, газрын ховор элемент, ховор металл зэрэг ашигт малтмал болон “Устөрөгчийн үйлдвэрлэл ба дагалдах бүтээгдэхүүн боловсруулах” чиглэлд японы талтай хамтран ажиллах сонирхлоо монголын тал нотлов.

Монгол Улсын Ерөнхийлөгчийн энэ удаагийн айлчлалын хүрээнд Монгол, Японы төр, хувийн хэвшлийн хамтарсан 10 дугаар зөвлөлдөх уулзалтыг зохион байгуулж буйг талууд сайшааж, Монгол, Японы улс төрийн харилцааны бат бэх сууринд тулгуурлан эдийн засаг, худалдаа, хөрөнгө оруулалтын чиглэлд хамтын ажиллагааг шинэ шатанд гаргаж, төр, хувийн хэвшлийн хамтын ажиллагааг эрчимжүүлэх, Эдийн засгийн түншлэлийн хэлэлцээрийн үр өгөөжийг дээшлүүлэх чиглэлд идэвхтэй хамтран ажиллахаа талууд нотлов.

Талууд бүхий л салбарт харилцаа, хамтын ажиллагааг бэхжүүлэхийн үндэс суурь нь “хүн” хэмээн санал нэгдэж, хүний нөөцийг чадавхжуулах хамтын ажиллагааг үргэлжлүүлж, цаашид хоёр орны ард түмний хоорондын найрсаг харилцааг хөхиүлэн дэмжин, хоёр улсын ирээдүй хойч үеийг түүчээлэх залуучуудын солилцоог гүнзгийрүүлэхээр тохиролцов.

Талууд бүс нутаг, олон улсын тавцанд идэвхтэй хамтран ажиллаж ирсэн бөгөөд НҮБ болон олон улсын бусад байгууллагын хүрээнд цаашид  ч уялдаа холбоотой ажиллахаа нотлов. Зүүн хойд Азийн энх тайван, тогтвортой байдлыг хангах чиглэлд хоёр улс үргэлжлүүлэн хувь нэмэр оруулж, хамтран ажиллахаа нотолж, японы тал манай “Улаанбаатарын яриа хэлэлцээ” санаачилгыг сайшааж, үргэлжлүүлэн дэмжиж ажиллахаа нотлов.

Төр, засгийн тэргүүн нар дэлхийн нийтийн тулгамдсан асуудал болох байгаль орчин, уур амьсгалын өөрчлөлтийн асуудлаар цаашид хамтын ажиллагаагаа эрчимжүүлэхээр санал нэгдэв. Энэ хүрээнд Монгол Улсын Ерөнхийлөгчийн санаачлан дэвшүүлсэн “Тэрбум мод” үндэсний хөдөлгөөнийг дэмжиж, Япон Улсын Засгийн газраас Монгол Улсад 50 мянган мод тарьж, ойжуулах төсөл болон монголын 20 мянган хүүхэд, залуучуудад байгаль орчин, цөлжилт, байгалийн гамшгаас урьдчилан сэргийлэх чиглэлээр танин мэдэхүйн сургалт зохион байгуулж, сургагч багш нарыг бэлтгэн бодит ажил хэрэг болгоход тууштай дэмжлэг үзүүлэхээ илэрхийлэв.

Албан ёсны хэлэлцээний дараа хоёр улсын төр, засгийн тэргүүн нар хэвлэл мэдээллийнхэнд хандаж мэдээлэл хийв.

Энэ удаагийн айлчлалын дүнгээр Монгол Улсын Ерөнхийлөгч Ухнаагийн Хүрэлсүх, Япон Улсын Ерөнхий сайд Ф.Кишида нар Монгол Улс, Япон Улсын “Энх тайван, хөгжил цэцэглэлтийн төлөөх Тусгай стратегийн түншлэл”-ийг хөгжүүлэхэд чиглэсэн Хамтарсан мэдэгдэл гаргав.

Мөн Монгол Японы “Энх тайван, хөгжил цэцэглэлтийн төлөөх Тусгай стратегийн түншлэл”-ийн 10 жилийн үйл ажиллагааны хөтөлбөрийг шинэчлэн байгуулав.

Түүнчлэн Япон Улсын Засгийн газрын буцалтгүй тусламжаар хэрэгжүүлэх “Монгол Улсын эрчим хүчний хангамжийг сайжруулах төсөл”-ийн тухай хоёр улсын Засгийн газрын хооронд солилцох ноот бичигт Монгол Улсын Сангийн сайд Б.Жавхлан, Япон Улсын Гадаад хэргийн сайд Ё.Хаяши нар гарын үсэг зурав.

Монгол Улсын Ерөнхийлөгч У.Хүрэлсүхийн Япон Улсад хийж буй төрийн айлчлал үргэлжилж байна.


1
angry
0
care
1
haha
1
liked
0
love
0
sad
0
wow

Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.72.163
2022/12/03
0
0
Зариг хаалтын гэрээнд орчих вуу.Олигтойхон дугардагаа больчих чив.
Хариулах
192.82.72.163
2022/12/03
0
0
Зари халатны гэрээнд орчин уу.Зоригтой дугардагаа больсон байх чив.
Хариулах
192.82.72.163
2022/12/03
0
0
Зари хаадтын гэрээнд орчоо юу.олигтойхон дугардагаа больсон байх чуу.Наад хүн дэээ эр,эм ойртсон хүн бүхний тохойг шүүрдэгээ боль гэж сануул даа.Соёлтой газрын дипломат ёс дэг жаягийг ажиглаж суралцахгүй бол тохой, өгзөг аль нь ч ялгаагүй зохисгүй илүү үйлдэл , доромж маягийн маш муухай харагдана. Хамуутай мал шиг хавьтсан ойртсоноо ,хүний бие шөргөөх гэдэг яав ч хүндлэл биш.
Хариулах
202.21.108.203
2022/11/30
0
0
Сайн сайхан ахиц дэвшил найрсаг харилцаа хнү ёсны эрүүл сэтгэхүй таалагдддаггүй, түүнийг ойлгодоггүй сэтгэхүйн траншейныхан муухай зүйл л комментоор илэрхийлдэр юм,
Хариулах
213.87.146.154
2022/11/30
0
0
Хамгийн сайн тавтай морилно уу секс болзоо сайт --- www.Top24.pw
Хариулах
203.91.115.47
2022/11/30
0
0
ЗАРИГИЙН ӨНӨРӨӨ ҮНЭТЭЙ ДАМСК САЛТААНДАА ЗҮҮДЭГ БОЛСОН БОЛХООР УЛНЫХАН ТА НАР ЗАЙААА ХАРАХА
Хариулах
202.21.109.36
2022/11/30
0
0
Энэ доор комёнт бичсэн нөхөр одоо бүр японы ёрөнхий сайдыг нүүрсний хулгайд хардаад эхэлвээдээ....монгол улс галзуу солиотуудаар дүүрчээ хөөрхий....хаач уншсан дан нүүрсний хулгайд сардсэн оркуудын комёнт....
Хариулах
103.229.121.5
2022/11/29
1
0
Нүүрсний хулгайч нэг их гавьяа байгуулцан аятай масайж энд тэнд зугаалж нтр. Энэ новшын тавьсан өр хулгай монголын түүхэнд битгий хэл дэлхийн түүхэнд байхгүй
Хариулах
Шинэ мэдээ
СЭРЭМЖЛҮҮЛЭГ: Голуудын мөсний зузаан 17-36 см нимгэн байна 1 цагийн өмнө
25 хүний 300 гаруй сая төгрөгийн койн залилсан этгээд долоон жилийн ял авчээ 1 цагийн өмнө
Таксины жолоочийг хутгалж, тээшинд нуусаар УБ-аас Орхон аймгийн эмнэлэгт хүргэж өгчээ 1 цагийн өмнө
ЦАГ АГААР: Өнөөдөр ихэнх нутгаар цаг агаар тогтуун байна 1 цагийн өмнө
ТАНИЛЦ: Засгийн газраас гаргасан шийдвэрүүд 16 цагийн өмнө
Гарааны компани болон программ хангамжийн үйлдвэрлэл, хөгжүүлэлтийн аж ахуйн нэгжид дэмжлэг үзүүлэх журам баталлаа 16 цагийн өмнө
Х.Нямбаатар: Жорж Чен манай улсын төрийн зарим албан тушаалтан руу дарамталсан мэйл явуулсан байсан 17 цагийн өмнө
Ч.Хүрэлбаатар: 1072 хувьцааны ногдол ашгаас өмнө эхлээд ЭТТ-г өр ширгүй болгох хэрэгтэй 17 цагийн өмнө
ҮСХ-ны дарга Б.Батдаваа: Зөвлөлдөх санал асуулгад оролцож байгаа иргэдэд 10 мянган төгрөгийн урамшуулал олгосон 18 цагийн өмнө
МУ-ын Хөгжлийн банк 1 их наяд 91 тэрбум төгрөгийн зээл барагдууллаа 18 цагийн өмнө
Гал түймэр, угаараас сэргийлэх хоёр сарын аяныг эхлүүллээ 18 цагийн өмнө
Ж.Ганбаатар: Би компаниудаасаа жилд 1 тэрбум төгрөгийн ногдол ашиг авдаг, энэ мөнгөө юунд зарцуулах нь миний эрх 19 цагийн өмнө
Булган аймаг өрсөлдөх чадварын үнэлгээгээр хамгийн их өсөлттэй аймгийг тэргүүллээ 19 цагийн өмнө
ЗГ-аас Хөрөнгө оруулалт, худалдааны газрыг байгуулах шийдвэрийг гаргалаа 19 цагийн өмнө
Г.Ганболд: Нүүрсний бүх нууц гэрээг хяналтын сонсголоор хэлэлцэж, улсад учруулсан хохирлыг ил болгоно, Хятадын тал мэдээллээ өгөхөөс татгалзсан 20 цагийн өмнө
Гавал доторх гэмтлийн тусламж, үйлчилгээний 85 хувийг ЭМД-ын сангаас хөнгөлнө 20 цагийн өмнө
Койны хохирогч: Насаараа хураасан 140 сая төгрөгөө койн худалдаж аваад алдчихлаа 20 цагийн өмнө
Аймгуудын өрсөлдөх чадвараар Дорноговь аймаг тэргүүлж, сүүлийн байрыг Дундговь аймаг эзэлжээ 21 цагийн өмнө
Д.Тогтохсүрэн: Ж.Мөнхбат хувийн шалтгаанаар УИХ-ын гишүүний бүрэн эрхээсээ татгалзах хүсэлтээ өгсөн 21 цагийн өмнө
Өсвөр насны хүүхдүүд галт зэвсэг оролдож байгаад нэгнийгээ гэмтээжээ 21 цагийн өмнө