Шатахууны агуулахад ажиллаж байсан 2 хүнийг эрэн хайх ажиллагаа үргэлжилж байна

Дархан-Уул аймгийн Дархан сумын гуравдугаар багт буй “Тэс Петролиум” ХХК-д гал түймэр гарч, ээлж солилцож байсан гурван хүн амь эрсэдсэн байж болзошгүй талаар бид өмнө нь мэдээлсэн. Ээлж солилцох үеэр гурван хүн байсан бөгөөд тэднийг байх үед гал гарсан байна. Нэг иргэнийг галаас гаргаад, эмнэлэгт хүргэсэн ч эмнэлгийн тусламж авч чадалгүй нас барсан. Харин үлдсэн хоёр хүнийг эрэн хайх ажил үргэлжилж байна.

Хоёр ажилтан шатахууны нөөцийн саван дотор унасан байх магадлалтай гэж үзэн, хайгуул хийж байна. Шалгалтын ажлын дараагаар эндсэн болон эрэн хайж байгаа хүмүүсийн ар гэрийнхэнтэй тус компани болон онцгой байдлын албанаас уулзалт зохион байгуулна" гэв.