МАН-ЫН БҮЛЭГ: ҮХНӨ-өөр гишүүдийн тоо болон сонгуулийн тогтолцоог өөрчилнө

О.Шүрэнцэцэг
2022/12/06

УИХ дахь МАН-ын бүлэг өнөөдөр /2022.12.06/ ээлжит бусаар хуралдаж, сүүлийн үед улс оронд үүссэн нөхцөл байдал, тэр дундаа 12 дугаар сарын 04-өөс эхэлсэн иргэдийн жагсаалтай холбоотой тэдний тавьж буй шаардлагын талаарх Ерөнхий сайд Л.Оюун-Эрдэнийн мэдээллийг сонслоо. Бүлгийн хурлаас гарсан шийдвэрийн талаар бүлгийн дарга Д.Тогтохсүрэн, дэд дарга Х.Булгантуяа, ажлын албаны дарга С.Далхаасүрэн нар мэдээлэл хийж, сэтгүүлчдийн асуултад хариулт өглөө.

Бүлгийн дарга Д.Тогтохсүрэн хэлэхдээ “ Өнгөрсөн хоёр өдөр болсон иргэдийн жагсаал, цуглаантай холбоотой иргэдийн шаардлагын талаар Ерөнхий сайд Л.Оюун-Эрдэнэ бүлгийн хуралд мэдээлэл хийсэн. Энэ асуудлыг бүлгийн хурлаар хэлэлцэж дараах хоёр шийдвэрийг УИХ дахь МАН-ын бүлгээс гаргаж байна. Нэгдүгээрт, хариуцлага тооцох асуудлыг түргэвчилж, хурдан шийдвэрлэх шаардлагатай байна гэж үзлээ. Нүүрсний хулгай гэж нэрлэгдэж буй асуудал болон бусад ажлын хариуцлага алдаж буй хүмүүстээ хариуцлага тооц гэдэг шаардлагыг жагсагчид тавьж буй. Энэ хүрээнд шийдвэрлэх шаардлагатай асуудал бол Эрүүгийн хэрэг хянан шийдвэрлэх тухай хууль юм. Тус хуулийн авлига, албан тушаалын гэмт хэргийн шийдвэрлэх хугацааг аль болох хурдан болгохтой холбоотой асуудал байна гэж үзлээ. Иймээс Засгийн газрыг ойрын үед үүнтэй холбоотой хуулийн төслийг боловсруулж УИХ-д өргөн барьж, яаралтайгаар шийдвэрлэх шаардлагатай гэж үзэв. Мөн энэ асуудлаар УИХ нээлттэй сонсгол хийх УИХ-ын дарга Г.Занданшатарын захирамж гарсан. Нээлттэй сонсголын товыг маргааш /2022.12.07/ Эдийн засгийн байнгын хуралдаанаар хэлэлцэж, тогтоно. Хуулийн дагуу 14 хоногийн дотор явуулах ёстой. Энэ хүрээнд дөрвөн том асуудал бий.

Нэгдүгээрт, Засгийн газар ойрын үед хуралдаж оффтек гэж нэрлэж буй урьдчилсан төлбөрт гэрээнүүдийг нууцаас гаргах шаардлагатай гэж үзсэн.Хоёрдугаарт,

 УИХ цаашид нүүрсний хулгай, уул уурхайн бүтээгдэхүүн дээр ийм асуудал гаргахгүйн тулд энэ онд багтааж Уул уурхайн бүтээгдэхүүний биржийн тухай хуулийг УИХ яаралтай батлах хэрэгтэй гэж үзсэн. Тус хуулийг УИХ-д өргөн барьж, хэлэлцэх эсэхийг нь шийдсэн. Анхны хэлэлцүүлэгт хэлэлцүүлэхээр ажлын хэсэг ажиллаж буй. Ирэх долоо хоногт УИХ яаралтай хэлэлцэн батлаад ирэх оны нэгдүгээр сарын нэгнээс хэрэгжүүлэх шаардлагатай гэж үзэв.

Гуравдугаарт, нээлттэй сонсголоор хэлэлцэх шаардлагатай асуудал нь яах аргагүй Төмөр замтай холбоотой асуудал байгаа. Нүүрстэй холбоотой асуудал яригдахаар Төмөр замтай холбоотой асуудал яригддаг. Үүнийг нээлттэй сонсголын хүрээнд ярьж шийдвэрлэх шаардлагатай. Энэ бол нэгдүгээр багц асуудлын хүрээнд хэд хэдэн арга хэмжээг хэрэгжүүлэх шаардлагатай байна гэж үзэж МАН-ын бүлэг шийдвэрээ гаргалаа. Энд хамгийн гол асуудал хариуцлагыг олон нийтэд бодитой, мэдэгдэхүйц тооцож, арга хэмжээ авч хэрэгжүүлэх хэрэгтэй байна гэдгийг бүлгийн гишүүд дахин дахин ярьж байсан гэдгийг онцлон хэлье. 

Ер нь цаашид энэ байдлаараа явахад хүндрэлтэй байгаа учир энэ парламент Үндсэн хуулийн нэмэлт, өөрчлөлтийн асуудлыг авч үзэж, ярихаас өөр аргагүй байна гэж үзсэн. Иймээс өнгөрсөн наймдугаар сарын 24-ний өдөр УИХ-ын 54 дүгээр тогтоол гаргасан. Дээрх тогтоолоор дамжуулж УИХ-ын гишүүдиөрчлөлтийн тухай хуулийн дагуу өргөн барь гэдэг чиглэл өгсөн. Үүнийг мөн энэ ондоо багтааж УИХ-аар хэлэлцүүлэх шаардлагатай байна гэж үзсэн. Дээрх шийдвэрүүдийг өнөөдөр МАН-ын бүлэг хуралдаж, шийдвэрлэлээ” гэв.




5
angry
0
care
1
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 9 цагийн өмнө
Ирэх сард ихэнх нутгаар хүйтэн байна 9 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 10 цагийн өмнө
Зам засварын ажил ирэх сарын 10-наас эхэлнэ 11 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 12 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 13 цагийн өмнө
Сурагчид өнөөдөр хичээллээд амарна 13 цагийн өмнө
Танилц: Өнөөдөр цахилгаан хязгаарлах байршлууд 13 цагийн өмнө
Ойрын хоёр хоногтоо салхитай хүйтэн байна 13 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр