Дархан уул аймаг: Төсвөөс хөрөнгө мөнгө гаргаж ямар нэг баяр, тэмдэглэлт үйл ажиллагааг зохион байгуулахыг хоригложээ

Төрийн хэмнэлтийн тухай хууль хэрэгжиж байгаа учир төр, түүний бүх шатны байгууллага, нийтийн албаныхан төсвөөс хөрөнгө мөнгө гаргаж ямар нэг баяр, тэмдэглэлт үйл ажиллагааг зохион байгуулахыг хориглосон.

Нийгэм эдийн засгийн байдал хүнд байгаа энэ цаг үед шинэ жилийн баярыг албан хаагчдаасаа мөнгө татан тэмдэглэхгүй байхыг бүх шатны төрийн байгууллагуудын удирдлагуудад өнөөдөр өглөөний шуурхай хуралдааны үеэр аймгийн Засаг даргаас чиглэл болголоо.
Мөн амралтын өдөр зайлшгүй шаардлагатайгаас бусад тохиолдолд төрийн албан хаагчдыг ажиллуулахгүй байх, ар гэртээ цаг заваа зарцуулах боломжоор хангахыг аймгийн Засаг даргаас бүх шатны төрийн байгууллагуудын дарга нарт үүрэг болголоо.