Засгийн газрын ээлжит бус хуралдаанаас өнөөдөр “Эрдэнэс Тавантолгой” компанид хамаарах нууцын зэрэглэлд байсан есөн гэрээг ил болгох тогтоолын төслийг баталсан байна. Есөн гэрээг нууцын зэрэглэлээс гаргаснаар Авлигатай тэмцэх газарт өгч, шалгуулах, УИХ дээр байгуулагдсан нүүрсний хэргийг шалгах үүрэг бүхий Түр хороонд шилжүүлэхээр боллоо.
Энэ талаар ЗГХЭГ-ын дарга Д.Амарбаясгалан хэлэхдээ "ҮАБЗ-ийн зөвлөмжөөр нууцад хамаарсан байсан нүүрсний есөн гэрээг ил болголоо. Ингэснээр УИХ-аас байгуулагдсан хянан шалгах Түр хороонд уг гэрээнүүдийг шилжүүлж, гэрээтэй холбоотой ашиг сонирхлын зөрчил үүссэн эсэхийг хянуулж шалгуулах зорилгоор АТГ-т шилжүүлнэ. Нууцын гэрээнүүдийн тухайд ЭТТ ХК-ийн хэрэгжүүлж байгаа есөн төсөлтэй холбоотой гэрээнүүдийг нууцаас гаргасан.
НЭГ: Ил уурхайн олборлолтыг үе шаттайгаар нэмэгдүүлэх, шилдэг технологи нэвтрүүлэх төсөл,
ХОЁР: Ил уурхайн аргаар ашиглах боломжгүй нөөцийг далд уурхайн аргаар ашиглаж экспортыг нэмэгдүүлэх төсөл,
ГУРАВ: Загийн усны хоолой газрын доорх усны ордоос Тавантолгой нүүрсний орд хүртэлх ус хангамжийн шугам хоолойн төслийн ажил,
ДӨРӨВ: Богд хаан төмөр замын суурь бүтэц барих төслийн ажил,
ТАВ: Тавантолгой Гашуун сухайт чиглэлийн төсөр замын төслийн ажил
ЗУРГАА: Тавантолгой Зүүн баян чиглэлийн төсөлтэй холбоотой, Монголын төмөр зам хувьцаат компани болон Зэвсэгт хүчний жанжин штаб болон Улаанбаатар төмөр зам нарын хамтарсан Зүүн баян чиглэлийн төмөр замыг барьж байгуулахтай холбоотой гэрээг нууцаас гаргасан. Энэ нь Зам тээвэр хөгжлийн яаманд харъяалагдаж байсан.
Эдгээр төслүүд нь Монгол Улсын эдийн засгийн хөгжилд хувь нэмрээ оруулах зорилготой ч үүнийг дагасан ашиг сонирхол, авлигын нөхцөл байдал үүссэн эсэх асуудлыг шалтгаж тогтоох үүрэг чиглэлийг АТГ-т өгч байна. Цаашид Засгийн газрын зүгээс энэ мэт төслүүдийг ҮАБЗ-ийн зөвлөмжөөр нууцад авдаг байдлыг таслан зогсооно. Цаашид Монгол Улсын Засгийн газар нэг ч нууц гэрээг батлахгүй байх шийдэлд хүрсэн.
Гэрээтэй холбоотой мэдээллүүдийг холбогдох газруудад өгнө" гэлээ.
Сэтгэгдэл (0)
Сэтгэгдэл бичигдээгүй байна