Жагсаалын үеэр нэг цагдаагийн алба хаагчийн хамар хугарч, хүнд бэртсэн талаар ЦЕГ-ын Нийтийн хэв журмыг хамгаалах, олон нийтийн аюулгүй байдлыг хангах албаны дарга Н.Лхагвасайхан өнөөдрийн хэвлэлийн хурлын үеэр хэллээ.
Тэрбээр "Жагсаал цуглаан тайван байдлаар эхэлсэн ч зорилго өөрчлөгдөж, харанхуй болсон үед жагсагчдын зүгээс төрийн ордон руу дайрах, талбай дээрх гацуурыг шатаах, цагдаагийн алба хаагчид руу эсэргүүцэл үзүүлэх асуудал гарсан.
Жагсаал цуглааны үеэр жагсагчид чулуу болон гарын доорх бусад материалыг ашиглаж, эсэргүүцэж байсан. Тэр үеэр цагдаагийн найман алба хаагч бэртэж гэмтэн, нэг алба хаагч ноцтой бэртсэн буюу хамрын яс нь хугарч эмнэлэгт эмчлэгдэж байна. Иргэдийн зүгээс бэртсэн гэсэн гомдол мэдээлэл ирээгүй" гэсэн юм.
Сэтгэгдэл (0)
Сэтгэгдэл бичигдээгүй байна