Сурвалжилга: М.Ариунсанаа амьтны асрамжийн газартаа 95 нохой, 7 муурыг аварч, асарч байна

Амьтны эрхийн төлөө, амьтныг хайрлаж хамгаалахын тулд өөрийнхөө амьдралыг хойш тавьж нохой муурны асрамжийн газар ажиллуулдаг, сайн үйлстэн М.Ариунсанаатай ярилцлаа. Комьпютер графикч мэргэжлээр төгссөн ч түүний хүсдэг зүйл зовж, зүдэрч, өвдсөн нохой мууранд туслах. 2017 оноос хойш таван жилийн турш нохойнуудтайгаа амьдарч, ярилцаж, “миний охин, миний хүү” гэж аав шиг нь эрхлүүлнэ. Ноходоо дулаан газар байлгахын тулд байшин, контейнер, гэрийг дулаалж, гал түлнэ. Тэднийх 95 нохой, 7 мууртай. Хашаанд нь ормогц ноход нь урдаас эрхэлж, сонирхон үнэрлэнэ. Нохой, муурыг зэрлэгээр буудаж устгах бус “спей” аргаар үржлийг зогсоох боломжтойг М.Ариунсанаа онцлон ярилаа.