ЭХЭМҮТ: Товчин зайтай чихэрнээс болж хүүхэд эрүүл мэндээрээ хохирох эрсдэл их

Товчин зайтай чихэр залгиж хүүхэд эрүүл мэндээрээ хохирох эрсдэл гарч байгаа талаар ЭХЭМҮТ-өөс анхаарууллаа. Тодруулбал, ЭХЭМҮТ-өөс " Хүүхдийн шинэ жилийн бэлэг дотор товчин зайтай чихэр, тоглоом ихээр худалдаалагдаж, хүүхэд эрүүл мэндээрээ хохирох эрсдэл үүсэж байна. Иймд энэ төрлийн бэлгийг хүүхдэдээ бэлэглэхгүй байхыг анхааруулж байна. Чихэргүй шинэ жил хийцгээе" хэмээн зөвлөлөө.

Хүүхдийн бэлэг сонгоход анхаарах зүйлс:

• Хүнсний бүтээгдэхүүнийг үйлдвэрлэсэн газар, гарал үүсэл нь тодорхой эсэх
• Хүнсний бүтээгдэхүүний хадгалалтын хугацаа дуусаагүй эсэх
• Хүнсний бүтээгдэхүүний сав, баглаа боодлын бүрэн бүтэн байдал алдагдсан эсэх
• Хүнсийг шинжилгээ, баталгаажуулалтад хамруулсан эсэх
• Хүүхдэд хэрэглэхийг хориглосон хүнсний бүтээгдэхүүн бэлгэнд байгаа эсэхийг анхаарах нь зүйтэй.
•